August 22, 2019 
தண்டோரா குழு
கோவையில் ஓய்வு பெற்ற மாவட்ட ஆட்சியரின் நேர்முக உதவியாளர் வீட்டில் நள்ளிரவில் சந்தன மரம் வெட்டி கடத்தப்பட்ட சம்பவம் பரபரப்பை ஏற்படுத்தியுள்ளது.
கோவை குனியமுத்தூர் அடுத்த கோவைப்புதூர் எக்ஸ் பிளாக் பகுதியை சேர்ந்தவரும் சென்னையில் வசித்து வருபவருமான வைத்தியநாதன் என்பருக்கு சொந்தமான வீட்டில் கடந்த ஐந்து ஆண்டுகளாக ஓய்வு பெற்ற மாவட்ட ஆட்சியரின் நேர்முக உதவியாளரான காந்தி வாடகைக்கு குடியிருந்து வருகிறார். இந்த நிலையில் நேற்று நள்ளிரவு வீட்டின் அருகே சத்தம் கேட்டதை அடுத்து காந்தி வெளியே பார்த்த போது சுமார் 10 பேர் கொண்ட கும்பல் வீட்டின் வாசலில் இருந்த சுமார் 15-20 ஆண்டுகள் பழமையான சந்தனமரத்தை இயந்திரம் மூலம் வெட்டிக்கொண்டிருந்தது தெரியவந்தது.
இதையடுத்து காந்தி சத்தம் போட்டதை அடுத்து வெட்டிய சந்தன மரத்தை எடுத்துக் கொண்டு மர்ம கும்பல் அங்கிருந்து தப்பி சென்றனர். இதையடுத்து காந்தி அளித்த தகவலின் பேரில் சம்பவ இடத்திற்கு விரைந்து வந்த குனியமுத்தூர் காவல்நிலைய போலிசார் வழக்கு பதிவு செய்து விசாரணை மேற்கொண்டு வருகின்றனர். கோவையில் தொடர்ந்து சந்தன மரம் வெட்டி கடத்தப்படுவதையடுத்து சந்தன மரம் கடத்தல் கும்பலை தனிப்படை அமைத்து போலிசார் கண்காணித்து வரும் நிலையில் கும்பலாக சந்தன மரத்தை வெட்டி கடத்தும் சம்பவம் தொடர்ந்து வருவது அதிர்ச்சியை ஏற்படுத்தி உள்ளது.
முதியோர்களுக்கான நட்சத்திர விடுதி பாணியில் ஒரு பிரத்யேக தங்கும் விடுதித் திட்டம் நிவாசன் ஹாஸ்பிடாலிட்டி நிறுவனம் சார்பில் அறிமுகம்!
கோயம்புத்தூர் மராத்தான் 2025-ன் 13- வது பதிப்பு ; உலகம் முழுவதும் இருந்து 25,000-க்கும் மேற்பட்டோர் பங்கேற்றனர் !
குமரகுரு கல்லூரியில் குமரகுரு தொழில்நுட்ப ஜவுளி ஆராய்ச்சி மையம் திறப்பு
கோவையில் இந்தியன் வங்கி நடத்தும் சர்ஃபாசி சொத்து விற்பனை மற்றும் கண்காட்சி துவங்கியது
100-க்கும் மேற்பட்ட மாற்றுத்திறனாளி குழந்தைகளுக்கு செயற்கை கால்கள் வழங்கிய கோவை டவுன்டவுன் ரோட்டரி சங்கம்
சந்தை வளர்ச்சியுடன் கூடிய ஆயுள் காப்பீடு வழங்கும் ‘மல்டிகேப் ஆப்பர்ச்சூனிட்டீஸ் பண்ட்’: டாடா ஏஐஏ அறிமுகம்
For English News
