June 20, 2020 
தண்டோரா குழு
இந்திய சீன எல்லையில் சீன ராணுவம் நடத்திய அத்துமீறிய தாக்குதலால் உயிரிழந்த இந்திய ராணுவ வீரர்களுக்கு சக்திசேனா இந்து மக்கள் இயக்கத்தினர் சார்பில் கோவையில் புஷ்பாஞ்சலி நிகழ்ச்சி மூலம் அஞ்சலி செலுத்தப்பட்டது.
இந்திய – சீன எல்லையில் உள்ள லடாக் மற்றும் கல்வான் பகுதியில் இருநாட்டு ராணுவத்தினரிடையே நடைபெற்ற மோதலில் இந்தியாவை சார்ந்த 20 இராணுவ வீரர்கள் வீர மரணம் அடைந்தனர். இதனை தொடர்ந்து சீன ராணுவத்தை கண்டித்தும், இந்திய வீர்ர்களுக்கு அஞ்சலி செலுத்தும் நிகழ்வை பல்வேறு அமைப்புகள் நாடு முழுவதும் முன்னெடுத்து வருகின்றன. இந்நிலையில், சக்திசேனா இந்து மக்கள் இயக்கம் சார்பில் கோவையில் உயிரிழந்த இந்திய ராணுவ வீரர்களுக்கு அஞ்சலி செலுத்தும் நிகழ்வு நடைபெற்றது. நிறுவனர் தலைவர் அன்புமாரி ஜி தலைமையில் நடைபெற்ற இந்நிகழ்வில் மண்டியிட்டு ராணுவ வீரர்களுக்கு தங்கள் மரியாதையை சக்திசேனா இந்து மக்கள் இயக்கத்தினர் செலுத்தினர்.
மேலும் சீன ராணுவத்துக்கு எதிராக இந்திய ராணுவத்தினரின் வீரத்தை பறைசாற்றும் வகையிலும் முழக்கங்கள் எழுப்பினர். நடைபெற்ற இந்நிகழ்வில், மாவட்ட அமைப்பாளர் முத்துராஜ் தலைமையில்,கோவை மாவட்ட பொதுச் செயலாளர் புல்லட் சேகர் ஜி, கோவை மாவட்ட தலைவர் காளிதாஸ், கொங்கு மண்டல தலைவர் பொட்டு ரமேஷ் ,மாவட்ட பொருளாளர் பாலகிருஷ்ணன் மாவட்ட அமைப்பாளர் ராஜா உள்ளிட்ட பலர் கலந்துகொண்டனர்.
கோவையில் இயேசுவின் அன்பின் ஊழியம் சார்பில்பேரின்ப பெருவிழா 2024 நிகழ்ச்சி
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
கோவை பீளமேட்டில் உள்ள பி.எஸ்.ஜி மேலாண்மை கல்லூரியின் பட்டமளிப்பு விழா
குமரகுரு நிறுவனங்கள் பயோ இன்டஸ்ட்ரி கான்க்ளேவ் 2024ஐ நடத்தியது
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
For English News
