September 22, 2021 
தண்டோரா குழு
கொடிசியா தலைவர் ரமேஷ்பாபு பல்வேறு கோரிக்கைகள் அடங்கிய மனுவை கோவை வந்த தொழில்துறை அமைச்சர் தங்கம் தென்னரசுவிடம் அளித்தார்.
அவர் அளித்த மனுவில் கூறியிருப்பதாவது:
கோவைக்கான மாஸ்டர் பிளான் திட்டம் கடந்த 1994-ம் ஆண்டிலிருந்து புதுப்பிக்கப்படாமல் உள்ளது. எனவே தற்கால மற்றும் எதிர்கால தேவைகளைக் கருத்தில் கொண்டு கோவைக்கான புதிய மாஸ்டர் பிளான் திட்டத்தை விரைவாக வெளியிட வேண்டும். தொழில் நிறுவனங்களுக்கான கட்டிட அனுமதி பெறுதல், உரிமம் பெறுதல் உள்ளிட்ட விஷயங்களுக்கு ஒற்றைச் சாளர முறையில் அனுமதி பெறுவதற்கான ஒரு மென்பொருள் கட்டமைப்பை உருவாக்க வேண்டும்.
தொழிலாளர் பற்றாக்குறையை போக்கும் வகையில் போதிய உற்பத்தி திறன் கொண்ட பணியாளர்களை உருவாக்க தேவையான அளவில் திறன் மேம்பாட்டு மையங்களை கட்டமைக்க வேண்டும். சிறு, குறு மற்றும் நடுத்தர நிறுவனங்களுக்கு இது மிகவும் உதவியாக இருக்கும்.
மேலும் தமிழகத்தில் உள்ள தொழிலாளர் சக்தியை மேலும் வலுப்படுத்த தேவையான திட்டங்களைக் கொண்டு வர வேண்டும்.கோவையில் எலக்ட்ரானிக் உற்பத்திக்கென சிறப்பு பொருளாதார மண்டலத்தை உருவாக்க வேண்டும். இவ்வாறு அதில் கூறப்பட்டுள்ளது.
வேளாண்சார் தொழில்களுக்கு மகத்தான எதிர்காலம்! – 5,000 பேர் பங்கேற்ற ஈஷா அக்ரி ஸ்டார்ட்-அப் திருவிழா 2.O-இல் முன்னோடி தொழில் முனைவோர்கள் பேச்சு
பெர்க்ஸ் பப்ளிக் பள்ளி சிபிஎஸ்இன் 4-ம் ஆண்டு விளையாட்டு தினம்
கோவை வசந்தவாசல் கவி மன்றத்தின் 30 ஆம் ஆண்டு தொடக்க விழா
ஒப்பணக்கார வீதி தி சென்னை சில்க்ஸில் ஆவணி மாத சுபமுகூர்த்த தினங்களை முன்னிட்டு, திருமண பட்டு பெருவிழாவின் துவக்க விழா
கோவை கரி மோட்டார் ஸ்பீடுவே மைதானத்தில் நடைபெற்ற இந்தியன் ரேசிங் லீக் கார் பந்தய போட்டி !
கோவை பன் மாலில் ” Feel Like a Soldier ” எனும் தலைப்பில் மாணவர்களுக்கான ராணுவ அனுபவ நிகழ்வு
For English News
