September 7, 2021 
தண்டோரா குழு
சிங்காநல்லூர் அருகே கோயிலுக்குள் புகுந்து அம்மன் சிலையில் இருந்த தாலி செயினை திருடிய 3பேரை போலீசார் கைது செய்தனர்.
கோவை சிங்காநல்லூர் விவேகானந்தா நகரில், விளையாட்டு மாரியம்மன் கோயில் உள்ளது. இக்கோயிலில் நேற்று முன்தினம் பூசாரி பூஜை செய்துவிட்டு கதவை பூட்டி விட்டு சென்றார். மறுநாள் காலையில் பூஜை செய்ய பூசாரி வந்தபோது, கோயிலின் முன்பக்க கதவு உடைக்கப்பட்டு கிடந்தது.
இதைக்கண்டு அதிர்ச்சியடைந்த அவர் உள்ளே சென்று பார்த்தபோது, அம்மன் சிலையின் கழுத்தில் கிடந்த தங்க செயின், லட்சுமி காயின், தாலி குண்டு, பொட்டு தாலி உட்பட 2 பவுன் எடையிலான தங்க நகைகள் காணாமல் போனது தெரிய வந்தது.
பூசாரி கோயில் நிர்வாகத்தினருக்கு தகவல் கொடுத்தார். அவர்கள் சிங்காநல்லூர் போலீசில் புகார் செய்தனர். போலீசார் வழக்குப்பதிவு செய்து, நகை திருடிய ஆசாமிகளை தேடி வந்தனர். இந்நிலையில், இன்று சிங்காநல்லூர் பஸ் நிலையத்தில் சந்தேகத்திற்கிடமாக சுற்றித்திரிந்த 3பேரை பிடித்து விசாரித்ததில், தேனி மாவட்டம், பெரியகுளத்தை சேர்ந்த சந்திரசேகரன் (25), விஜி (25), ராஜா (21) என்பதும், கோயிலில் நகை திருடியது அவர்கள் தான் என்பதும் தெரியவந்தது.
இதைத்தொடர்ந்து போலீசார் 3 பேரையும் கைது செய்து, விசாரித்து வருகின்றனர்.
பெர்க்ஸ் பப்ளிக் பள்ளி சிபிஎஸ்இன் 4-ம் ஆண்டு விளையாட்டு தினம்
கோவை வசந்தவாசல் கவி மன்றத்தின் 30 ஆம் ஆண்டு தொடக்க விழா
ஒப்பணக்கார வீதி தி சென்னை சில்க்ஸில் ஆவணி மாத சுபமுகூர்த்த தினங்களை முன்னிட்டு, திருமண பட்டு பெருவிழாவின் துவக்க விழா
கோவை கரி மோட்டார் ஸ்பீடுவே மைதானத்தில் நடைபெற்ற இந்தியன் ரேசிங் லீக் கார் பந்தய போட்டி !
கோவை பன் மாலில் ” Feel Like a Soldier ” எனும் தலைப்பில் மாணவர்களுக்கான ராணுவ அனுபவ நிகழ்வு
கோவையில் நடைபெற்ற மருத்துவர்களுக்கான மாநில அளவிலான கருத்தரங்கு
For English News
