March 1, 2022 
தண்டோரா குழு
கோவை மாநகராட்சி கிழக்கு மண்டலத்திற்குட்பட்ட பகுதிகளில் தமிழ்நாடு நகர்ப்புற சாலைகள் உள்கட்டமைப்பு திட்டத்தின்கீழ் தார் சாலைகள் அமைக்கும் பணிகள் நடைபெற்று வருவதை மாநகராட்சி கமிஷனர் ராஜ கோபால் சுன்கரா நேரில் பார்வையிட்டு ஆய்வு மேற்கொண்டார்.
கோவை மாநகராட்சி கிழக்கு மண்டலம் வார்டு எண் 75க்குட்பட்ட நியூ போயஸ் கார்டன் பகுதியில் 1 முதல் 7வது வீதி வரை ரூ.25 லட்சம் மதிப்பீட்டில் 750 மீட்டர் தொலைவிற்கு 4 மீட்டர் அகலத்திலும், சலாமத் நகர் பகுதியில் ரூ.31 லட்சம் மதிப்பீட்டில் 701 மீட்டர் தொலைவிற்கு 4.5 மீட்டர் அகலத்திலும் சாலைகள் அமைக்கும் பணிகள் நடைபெற்று வருகிறது.
இதனை நேரில் பார்வையிட்டு ஆய்வு செய்து இப்பணிகளை விரைவாகவும், தரமாகவும் செய்து முடிக்க வேண்டு என பொறியாளர்களுக்கு மாநகராட்சி கமிஷனர் அறிவுறுத்தினார்.
இந்த ஆய்வின்போது கிழக்கு மண்டல உதவி கமிஷனர் மாரிசெல்வி,உதவி செயற்பொறியாளர் சுந்தர்ராஜன், உதவி பொறியாளர் சத்யா மற்றும் மாநகராட்சி அலுவலர்கள் உடனிருந்தனர்.
For English News
