March 12, 2022 
தண்டோரா குழு
கோவை – மேட்டுப்பாளையம் சாலையில் கவுண்டம்பாளையம் பகுதியில் மேம்பால பணிகள் நடந்து வந்தது. இந்த பணிகள் 100 சதவீதம் நிறைவடைந்துள்ளன. தற்போது மேம்பாலத்திற்கு வண்ணம் பூசும் பணி தீவிரமாக நடந்து வருகிறது.
கோவை – மேட்டுப்பாளையம் சாலையில் கவுண்டம்பாளையம் சந்திப்பில் ஹவுசிங் யூனிட் முதல் ராமசாமி கல்யாண மண்டபம் வரை சுமார் ஆயிரம் மீட்டர் நீளத்தில் சுமார் 29 தூண்களுடன் உயர்மட்ட மேட்பாலம் அமைக்கும் பணி நடந்தது. இந்த மேம்பால பணிகள் 100 சதவீதம் நிறைவடைந்துள்ளன. கவுண்டம்பாளையம் பகுதியில் சர்வீஸ் சாலைகள் அமைக்கும் பணியும் நிறைவடைந்துள்ளன.
இது குறித்து தேசிய நெடுஞ்சாலைத்துறை அதிகாரி ஒருவர் கூறுகையில்,
‘‘கவுண்டம்பாளையம் மேம்பால பணிகள் 100 சதவீதம் நிறைவடைந்துள்ளன. மேம்பாலத்திற்கு வண்ணம் பூசும் பணி தீவிரமாக நடந்து வருகிறது. 10 நாட்களுக்குள் இந்த பணியை முடிக்க திட்டமிடப்பட்டுள்ளது’’ என்றார்.
For English News
