May 21, 2018 
தண்டோரா குழு
கர்நாடகாவில் யாருக்கும் பெரும்பான்மை இல்லாததால் மீண்டும் தேர்தல் நடத்த வேண்டும் என பாஜக தேசிய தலைவர் அமித்ஷா கூறியுள்ளார்.
கர்நாடகவில் நடந்து முடித்த சட்டபேரவை தேர்தலில் பாஜக 104 இடங்களிலும், காங்கிரஸ் 78 இடங்களிலும், மஜத 38 இடங்களிலும் வெற்றி பெற்றது. யாருக்கும் பெருபான்மை கிடைக்கவில்லை. இதையடுத்து, ஆளுநர் அழைப்பின் பேரில் ஆட்சியமைத்த பாஜக பெரும்பான்மை நிரூபிக்க முடியாமல் ஆட்சியை இழந்தது. இதனைத் தொடர்ந்து கர்நாடகாவில் காங்கிரஸ் – மஜத கூட்டணி ஆட்சியமைக்க உள்ளது.
இந்நிலையில்,கர்நாடக தேர்தல் முடிவுகள் வெளியான பிறகும், கர்நாடகாவில் நடந்த அரசியல் பரபரப்புக்களின் போதும் எந்த வித கருத்தும் தெரிவிக்கமால் இருந்து வந்த பா.ஜ., தேசிய தலைவர் அமித்ஷா, இன்று மவுனம் கலைத்துள்ளார்.
இது தொடர்பாக டில்லியில் இன்று செய்தியாளர்களை சந்தித்த அவர்,
கர்நாடகாவில் பாஜக.வுக்கு வாக்களித்த மக்களுக்கு நன்றி; ஊழல் நிறைந்த காங்கிரஸ் கட்சிக்கு மக்கள் வாக்களிக்கவில்லை. தற்போது மக்களிடம் பா.ஜ.,வின் முக்கியத்துவம் அதிகரித்துள்ளது. பா.ஜ., தான் தனிப்பெரும் கட்சி. ஆட்சி அமைக்கும் உரிமை பா.ஜ.,வுக்கு தான் உண்டு. மதசார்பற்ற ஜனதா தளம் கட்சியுடன் இணைந்து காங்., ஆட்சி அமைக்க உள்ளது மக்களை ஏமாற்றும் செயல். காங்., அமைச்சர்கள் தேர்தலில் தோற்றுவிட்டனர். இந்த தோல்வியை காங்., ஏன் கொண்டாடுகிறது? எதை கொண்டாடுகிறது என்றே தெரியவில்லை.
10க்கும் மேற்பட்ட அமைச்சர்கள் தோல்வியடைந்தும், முதலமைச்சரே ஒரு தொகுதியில் தோல்வி அடைந்தும் காங்கிரஸ் எதை கொண்டாடுகிறது. 38 தொகுதிகளில் மட்டுமே வென்ற மஜத.,வும் கொண்டாட என்ன இருக்கிறது. கர்நாடக தேர்தலில் பா.ஜ., தொண்டர்கள் கடுமையாக உழைத்துள்ளனர்,மேலும். யாருக்கும் பெரும்பான்மை இல்லாததால் மீண்டும் தேர்தல் நடத்த வேண்டும்.
இவ்வாறு அவர் கூறியுள்ளார்.
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
ஜிஆர்ஜி மாடர்ன் ஸ்காலர்ஸ் சர்வதேச பள்ளியின் சார்பில் மாநகராட்சி பள்ளிக்கு புத்தகங்கள் வழங்கும் நிகழ்ச்சி விழா
For English News
