December 9, 2016 
தண்டோரா குழு
கர்நாடக மாநிலத்தில் கணக்கில் வராத பழைய ரூபாய் நோட்டுகளைப் புதிய ரூபாய் நோட்டுகளாக மாற்ற முயன்ற 3 பேர் கைது செய்யப்பட்டனர். அவர்களிடம் இருந்து 36 லட்சம் ரூபாய் புதிய 2௦௦௦ ரூபாய் நோட்டுகள் பறிமுதல் செய்யப்பட்டுள்ளன.
இது குறித்து காவல்துறை அதிகாரிகள் செய்தியாளர்களிடம் வியாழக்கிழமை கூறியதாவது:
கல்புர்கியில் சூரஜ் சிங் (3௦) என்பவர் உரிய ஆவணங்கள் இல்லாமல் பணத்தைப் பரிமாற்றம் செய்ய 25 லட்சம் ரூபாயைக் கொண்டு சென்றதாகத் தகவல் கிடைத்தது. அதையறிந்த போலீசார் அவரை அந்த இடத்திலேயே வியாழக்கிழமை (டிசம்பர் 8) கைது செய்தனர்.
மேலும் பழைய ரூபாய் நோடுக்களை கமிஷன் அடிப்படையில் பெற்றுக் கொண்டு அதைப் புதிய நோட்டுகளாக மாற்றி தரும் மோசடி நடப்பதாக சித்ராதுர்கா காவல்துறையினருக்குத் தகவல் கிடைத்தது. உடனே தருண் தனியார் தண்ணீர் சுத்திகரிப்பு நிலையத்தில் சோதனை நடத்தியதில் 11 லட்சம் மதிப்புள்ள புதிய 2௦௦௦ ரூபாய் நோட்டுக்களை காவல்துறையினர் பறிமுதல் செய்துள்ளனர். இது தொடர்பாக தருண் மற்றும் ராஜு என்பவர் கைது செய்யப்பட்டார்.
கல்புர்கியில் 25 லட்சம் ரூபாய் புதிய 2,000 ரூபாய் நோட்டுகளாகவும், சித்ராதுர்கா பகுதியில் 11 லட்சம் ரூபாய் என மொத்தம் 36 லட்சம் ரூபாய் புதிய 2,000 ரூபாய் நோட்டுகளாகவும் சோதனையின் போது சிக்கின. இது தொடர்பாக மூன்று பேர் கைது செய்யப்பட்டுள்ளனர். அவர்களிடம் இருந்து பயணம் செய்த வாகனத்தையும் பறிமுதல் செய்துள்ளோம்.
அவர்கள் மீது வழக்கு பதிவு செய்யப்பட்டுயுள்ளது. பணம் எங்கிருந்து வந்தது அதே நேரத்தில் பழைய நோட்டுகளை புதிய நோட்டுகளாக பரிமாற்றம் செய்ய ஆர்வம் காட்டியவர்கள் யார் என்பது குறித்து விசாரணை நடைபெற்று வருகிறது. கைது செய்யப்பட்டவர்கள் இருவரும் 15% கமிஷனுக்காகப் பணப் பரிமாற்றம் செய்துள்ளனர் என முதல் கட்ட விசாரணையில் தெரியவந்துள்ளது.
கோவை பி.எஸ்.ஜி.ஆர் கிருஷ்ணம்மாள் மகளிர் கல்லூரியில் சமூக ஒருங்கிணைப்பு மாநாடு
நோயாளிகள் விரைவில் நடக்கவும் வலியின்றி வாழவும் உதவும் புதிய மருத்துவம் – பெத்தேல் மருத்துவமனை எலும்பியல் நிபுணர் டாக்டர் A. சாமுவேல் அனந்தராஜ்
வாழ்க்கையின் ஒவ்வொரு நிலையிலும் சிறந்த பலன் அளிக்கும் ‘சுப் மஹா லைப்’ காப்பீடு: டாடா ஏஐஏ அறிமுகம்
பண்டிகைக் காலத்திற்கு முன்னதாக, பிளிப்கார்ட் மார்க்கெட் பிளேஸில் விற்பனையாளர் பரிவர்த்தனைகளில் 25% அதிகரிப்பு
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
For English News
