March 14, 2021 
தண்டோரா குழு
பாஜக தெற்கு தொகுதி வேட்பாளராக பாஜக தேசிய மகளிர் அணி தலைவர் வானதி சீனிவாசன் இன்று அறிவிக்கப்பட்டார். அதனைத் தொடர்ந்து கோவை செட்டி வீதி அசோக் நகர் பகுதியில் பாஜக தொண்டர்கள் பட்டாசு வெடித்து கொண்டாடினர். இதில் கலந்து கொண்ட வானதி சீனிவாசன் பகுதியில் உள்ள மக்களை சந்தித்தார்.
அதனைத் தொடர்ந்து செய்தியாளர்களிடம் பேசிய அவர்,
கோவை தெற்கு தொகுதியில் எங்கள் வாக்குகளை கணக்கில் எடுத்துக்கொண்டால் 100% வெற்றி என்று தெரிவித்தார். தெற்கு தொகுதியில் நான் வேட்பாளராக நிற்பதாக தகவல் வந்த போது அதிமுகவில் துவக்கத்தில் எதிர்ப்பு இருந்தது தற்போது இல்லை என்று தெரிவித்தார்.
கமலஹாசன் குறித்து செய்தியாளர்கள் எழுப்பிய கேள்விக்கு பதிலளித்த வானதி சீனிவாசன் சினிமாவில் நடிப்பதற்கும் மக்கள் பணி புரிவதற்கும் வித்தியாசம் இருக்கிறது என்பதை கமல் தேர்தலுக்கு வந்த பின்னர் புரிந்து கொள்வார் என்று நினைக்கிறேன் சமூக ஊடகம் போன்றவற்றில் மட்டும் செயல்படுபவர்களை மக்கள் ஏற்றுக்கொள்ள மாட்டார்கள் என்றும் தெரிவித்தார். அதுமட்டுமின்றி கமல் ஒரு நடிகர் என்பதால் அவரை பார்க்க மக்கள் கூடுவார்கள் ஆனால் வாக்களிக்க மாட்டார்கள் என்றும் தெரிவித்தார்.
இந்த தொகுதியில் நாங்கள் மட்டுமே தனிப்பட்ட முறையில் 34 ஆயிரம் வாக்குகளை பெற்று உள்ளோம் என்று தெரிவித்த அவர் இம்முறை அதைவிட அதிகமான வாக்குகள் கிடைக்கும் என்று தெரிவித்தார். பாராளுமன்ற தேர்தலில் அப்பொழுது இருந்த நிலை இப்போது இல்லை என்றும் மாநில அரசு மக்கள் மனதில் நெருங்கி இருப்பதால் அதிகப்படியான வாக்குகளைப் பெற்று வெற்றி பெறுவோம் என்று தெரிவித்தார்.
பாஜகவில் புதியவர்களுக்கும் உழைப்பவர்களுக்கும் வாய்ப்பு கொடுக்கப்படுகிறது என்றும் வருகின்ற நாட்களில் நடிகை கௌதமி உட்பட பல்வேறு சினிமா பிரபலங்கள் இந்த தொகுதியில் பிரச்சாரம் மேற்கொள்ள இருக்கின்றனர் என்று தெரிவித்தார். மேலும் நாளை வேட்புமனு தாக்கல் செய்யப்போவதாகவும் அவர் கூறினார்.
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
கோவை ஜி.கே.என்.எம். மருத்துவமனை சார்பாக செப்.28 ம் தேதி ‘ரன் ஃபார் லிட்டில் ஹார்ட்ஸ்’ மாராத்தான்
தென்னிந்திய சைவ,அசைவ உணவு வகைகளை வீட்டு சுவை மாறாமல் வழங்கும் அம்மணி மெஸ் கோவையில் துவக்கம்
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
For English News
