April 7, 2022 
தண்டோரா குழு
கோவை மாநகராட்சி வடக்கு மண்டலம் வார்டு எண் 29க்குட்பட்ட கட்டபொம்மன் நகரில் சிறப்பு தூய்மைப்பணிகள் நடந்தது.இதனை மேயர் கல்பனா ஆனந்தகுமார் ஆய்வு செய்தார்.
கோவை கட்டபொம்மன் நகரின் சாலையோரங்களில் உள்ள செடி கொடிகளை அகற்றுதல்,தேங்கிய குப்பைகளை அகற்றுதல், மழைநீர் வடிகால் கால்வாயில் தேங்கியுள்ள செடி கொடிகள்,பிளாஸ்டிக் பாட்டில்களை அகற்றிட சிறப்பு தூய்மை பணிகள் இன்று நடந்தது. இதனை மேயர் துவங்கி வைத்து ஆய்வு செய்தார்.
அப்போது சிறப்புத்தூய்மைப்பணியின் மூலம் சேகரமாகும் குப்பைகளை உடனடியாக வாகனம் மூலம் ஏற்றி அப்புறப்படுத்திட அதிகாரிகளுக்கு அவர் அறிவுறுத்தினார். மேலும் அப்பகுதியில் தேங்கியுள்ள மரக்கழிவுகளை உரமாக தயாரிக்கும் மரம் அரைக்கும் இயந்திரத்தின் மூலம் மக்கும் குப்பையாக மாற்றிட அறிவுறுத்தினார்.
இந்த ஆய்வின்போது மாநகராட்சி கமிஷனர் ராஜ கோபால் சுன்கரா,துணை மேயர் வெற்றிசெல்வன், வடக்கு மண்டல குழு தலைவர் கதிர்வேல்,29வது வார்டு கவுன்சிலர் ரங்கநாயகி, வடக்கு மண்டல உதவி கமிஷனர் மோகனசுந்தரி மற்றும் பலர் கலந்து கொண்டனர்.
For English News
