March 28, 2017 
தண்டோரா குழு
விவசாய கடன் தள்ளுபடி செய்யப்பட்டுவிட்டது என்று பிரதமர் மோடியிடம் இருந்து அறிவிப்பு வெளியாகும் வரை எங்களது போராட்டம் தொடரும் என்று தென்னிந்திய விவசாய சங்க தலைவர் அய்யாக்கண்ணு கூறியுள்ளார்.
மத்திய நிதியமைச்சர் அருண்ஜேட்லியுடன் தில்லியில் போராடி வரும் தமிழக விவசாயிகள் இன்று சந்தித்து பேசினர்.
தமிழக விவசாயிகளை இன்று சந்தித்த தி.மு.க மாநிலங்கவை உறுப்பினர் திருச்சி சிவா, மத்திய நிதியமைச்சர் அருண் ஜேட்லியுடன் விவசாயிகளை சந்திக்க ஏற்பாடு செய்தார்.
அவர்களுடனான சந்திப்பிற்கு பின்னர் தென்னிந்திய விவசாய சங்க தலைவர் அய்யாக்கண்ணு செய்தியாளர்களிடம் பேசியதாவது:
“மத்திய நிதியமைச்சர் அருண் ஜேட்லியிடம், பயிர் காப்பீட்டுத் தொகையை உடனடியாக வழங்க வேண்டும், கூட்டுறவு வங்கிகளில் விவசாயிகள் வாங்கிய கடனை தள்ளுபடி செய்ய நடவடிக்கை எடுக்க வேண்டும், போன்ற கோரிக்கைகளை வலியுறுத்தினோம்.
இந்த சந்திப்பின் போது மத்திய அமைச்சர் ஸ்மிருதி இராணியும் உடன் இருந்தார். அவரும் போராட்டம் குறித்து கேட்டறிந்தார். பின்னர், “நாங்கள் உங்களுக்கு உதவுகின்றோம் இறந்துவிட்ட தமிழக விவசாயிகளுக்கு என்னுடைய இரங்கலை தெரிவியுங்கள்” என்றார்.
மத்திய அரசு எங்களை இதுவரை நிற்க வைத்து தான் பேசியது. இப்போதுதான் முதன் முறையாக எங்களை உட்கார வைத்து பேசியது. நாங்கள் கடன் தள்ளுபடி முழுமையாக வேண்டும் என்று கோரியுள்ளோம்.
“தமிழகத்திற்கு மட்டும் கடன் தள்ளுபடி செய்ய முடியாது, செய்வ தென்றால் இந்தியா முழுவதற்கும் செய்ய வேண்டுமே எப்படி செய்வது” என்று நிதி அமைச்சர் கூறினார். இந்தியாவில் உள்ள அனைத்து விவசாயிகளும் ஒன்றுதானே செய்துதானே ஆக வேண்டும் என்று நாங்கள் பதில் அளித்தோம். இந்த சந்திப்பு கடந்த கால சந்திப்பைவிட சற்று திருப்திகரமாகவே அமைந்துள்ளது.
விவசாய கடன் தள்ளுபடி செய்யப்பட்டுவிட்டது என்று பிரதமர் மோடியிடம் இருந்து அறிவிப்பு வெளியாகும் வரை எங்களது போராட்டம் தொடரும். அதுவரை தமிழகத்திற்கு திரும்ப மாட்டோம்.”
இவ்வாறு அய்யாகண்ணு பேசினார்.
மனித மூளைக்கும் கணினி மூளைக்கும் இடையேதான் வருங்காலத்தில் போட்டி இருக்கும் – நீயா நானா கோபிநாத் பேச்சு
மூளை அறுவை சிகிச்சைக்கு பிறகு மோட்டார் சைக்கிளில் கைலாய யாத்திரை; யோக விஞ்ஞானத்தின் சக்தியை காட்டுகிறது – சத்குரு
வாரணாசி, பாட்னா, மானேசர், ராஞ்சி, காஜியாபாத், ஆக்ரா மற்றும் அகர்தலா உட்பட நாடு முழுவதும் பிளிப்கார்ட்டின் விநியோகச் சங்கிலி தடம் விரிவாக்கம்
ஆசிரியர் தினத்தை கொண்டாடும் வகையில் மாதம் முழுவதும் ஆசிரியர்களுக்கும், கல்வியாளர்களுக்கும் பிரத்தியேக சலுகைகள் ஜி ஸ்கொயர், அறிவிப்பு
கோவை காளப்பட்டி பகுதியில் அடிசியா நிறுவனம் சார்பில் ஜல்லிகட்டு காளை சிலை திறப்பு
ஆர்தா செலக்ட் ஃபண்ட்ஸ் பங்குகளை வாங்குவதில் முதலீட்டாளர்கள் ஆர்வம்: இலக்கை தாண்டி 131 சதவீதம் அதிகரித்து பங்குகள் விற்பனை நிறைவு
For English News
