December 28, 2021 
தண்டோரா குழு
கோவை கடைத்தெருக்களில் உருமாறிய கொரோனா வைரஸ் ஒமிக்ரான் பரவலை கட்டுப்படுத்த கொரோனா கட்டுப்பாடுகளை தீவிரமாக்க மாநகராட்சி நிர்வாகம் திட்டமிட்டுள்ளது.
நாடு முழுவதும் உருமாறிய கொரோனா வைரஸ் ஒமிக்ரான் பரவி வருகிறது. தமிழகத்தில் 30க்கும் மேற்பட்டோர் ஒமிக்ரான் வைரஸால் பாதிக்கப்பட்டுள்ளனர். கேரளாவிலும் 30க்கும் மேற்பட்டோர் பாதிக்கப்பட்டுள்ளனர். இதனை அடுத்து கோவை மாவட்டத்தில் உள்ள கேரளா மாநில எல்லைப்பகுதிகளில் கொரோனா தடுப்பு விதிமுறைகள் தீவிரப்படுத்தப்பட்டுள்ளன. கோவை மாவட்டத்தில் இதுவரை ஒமிக்ரான் வைரஸால் யாரும் பாதிக்கப்படவில்லை என்றாலும் மாவட்டம் மற்றும் மாநகராட்சி நிர்வாகம் சார்பாக பல்வேறு நடவடிக்கைகள் தீவிரப்படுத்தப்பட்டுள்ளன.
இதன் ஒருபகுதியாக கோவை ஒப்பணக்கார வீதி, கிராஸ்கட் வீதி, 100 அடி சாலை, காந்திபுரம், டவுன்ஹால், உக்கடம் உள்ளிட்ட கடைத்தெரு பகுதிகளில் வணிக மற்றும் வர்த்தக நிறுவன உரிமையாளர்களிடம் கொரோனா விதிமுறைகளை பின்பற்றியே கடைகளை திறக்கவும், வாடிக்கையாளர்களை அனுமதிக்கவும் மாநகராட்சி நிர்வாகம் உத்தரவிட்டுள்ளது.
இதுகுறித்து மாநகராட்சி அதிகாரி ஒருவர் கூறுகையில்,
‘‘கடைத்தெருக்களில் உள்ள கடைகள், வணிக வளாகங்கள், வர்த்தக நிறுவனங்கள் உள்ளிட்டவற்றில் பணியாற்றும் ஊழியர்கள் கண்டிப்பாக கொரோனா தடுப்பூசி இரண்டு தவணை செலுத்திருக்க வேண்டும். கடைகளுக்கு வரும் வாடிக்கையாளர்களும் கொரோனா தடுப்பூசி செலுத்தியுள்ளார்களா? என கடை உரிமையாளர்கள் கண்காணிக்க வேண்டும்,’’ என்றார்.
ஈஷா மண் காப்போம் மற்றும் எஸ்.ஆர்.எம் பல்கலைக்கழகம் சார்பில் ‘அக்ரி ஸ்டார்ட் அப் திருவிழா 2.O’
PSGR கிருஷ்ணம்மாள் மகளிர் கல்லூரியில் நடைபெற்ற பட்டமளிப்பு விழாவில் 2540 மாணவிகள் பட்டம் பெற்றனர்
25வது ஆண்டு விழாவை, கைலாக், குஷாக் மற்றும் ஸ்லாவியா லிமிடெட் எடிஷன்கள் அறிமுகத்துடன் ஸ்கோடா ஆட்டோ கொண்டாடுகிறது
டி.என்.பி.எஸ்.சி குரூப் 2 தேர்வில் வெற்றி பெற்றவர்களுக்கு பாராட்டு விழா
பி-எஸ்யூவிகளில் ஒன்றான புதிய நிசான் மேக்னைட்டுக்கான தொழில்துறையின் முதல் 10 ஆண்டு நீட்டிக்கப்பட்ட உத்தரவாத திட்டம் நிசான் அறிமுகம்
கோவை – மேட்டுப்பாளையம் சாலையில் 90 நாட்களுக்கு போக்குவரத்து மாற்றம் !
For English News
