January 25, 2021 
தண்டோரா குழு
உக்கடம் பெரியகுளம் மேம்படுத்தப்பட்டுள்ளதை பார்வையிட்ட முதலமைச்சர் எடப்பாடி பழனிசாமி ‘ஐ லவ் கோவை’ செல்பி கார்னரில் புகைப்படம் எடுத்துக்கொண்டார்.
தமிழக முதலமைச்சர் எடப்பாடி பழனிசாமி இரண்டு நாட்களாக கோவையின் வெவ்வேறு பகுதிகளில் பிரச்சாரம் மேற்கொண்டார். தொடர்ந்து ஸ்மார்ட் சிட்டி திட்டத்தின் கீழ் மேம்படுத்தப்பட்ட உக்கடம் பெரியகுளத்தின் அழகை பார்வையிட்டு ஆய்வு செய்தார். பின்னர், முதலமைச்சரை வரவேற்கும் விதமாக வான வேடிக்கை நிகழ்ச்சி நடத்தப்பட்டது.
மேலும், லண்டனில் இருந்து வரவழைக்கப்பட்டு, நவீன நுட்பத்துடன் இயங்கும் எல்.இ.டி வண்ண விளக்குகள் கொண்டு ஒளி அமைப்புகள் ஏற்படுத்தப்பட்டன. தொடர்ந்து கோவையின் அடையாளமாக திகழும் ‘ஐ லவ் கோவை’ செல்பி கார்னரில் அமைச்சர் எஸ்.பி.வேலுமணியுடன் நின்று புகைப்படம் எடுத்துக்கொண்டார். இதனை தொடர்ந்து அமைச்சர் எஸ்.பி.வேலுமணி நன்றியுரை வழங்கினார்.
அப்போது அவர் பேசியதாவது:
5 ஆண்டுகளில் 50 ஆண்டுகால வளர்ச்சியை கொடுத்த வீரத்தமிழன் கோவை மக்களை சந்தித்தார். கோவையில் ஸ்மார்ட் சிட்டி திட்டத்தை துவக்கி வைத்தார் முதலமைச்சர். கோவை மாவட்ட மக்கள் சார்பாக நன்றி தெரிவிக்கிறோம்.கோவை மக்களுக்கு நிறைய திட்டம் கொடுத்துள்ளார் முதலமைச்சர். இரண்டு நாட்கள் மக்களின் மகிழ்ச்சியை பார்த்துள்ளார். உலக தரத்திற்கு இணையாக இந்த திட்டத்தை கொடுத்துள்ளார் விவசாய முதலமைச்சர். ஆட்சி தாக்குபிடிக்குமா என்றும், கலைத்துவிடலாம் என்றும் கனவு கண்டார் ஸ்டாலின். ஆனால், விவசாயி ஒருவரால் நல்லாட்சி கொடுக்க முடியும் என்று நிரூபித்தவர் முதலமைச்சர். மாணவர்கள் ,இளைஞர்களின் சூப்பார் ஸ்டாராக உள்ளார். 2021ல் மீண்டும் முதலமைச்சராக வருவார். இவ்வாறு அமைச்சர் எஸ்.பி.வேலுமணி பேசினார்.
இந்நிகழ்வில் துணை சபாநாயகர் பொள்ளாச்சி ஜெயராமன், ஆட்சியர் ராசாமணி, மாநகராட்சி ஆணையர் குமாரவேல் பாண்டியன், பி.ஆர்.ஜி.அருண்குமார், அம்மன் அர்ஜூனன், சண்முகம், கந்தசாமி, ஆறுக்குட்டி, ஓ.கே.சின்னராஜ் ஆகியோர் கலந்து கொண்டனர்.
கோவையில் ‘ஜூவல் ஒன்’ நிறுவனம் சார்பில் புளோரன்சியா என்ற பெயரிலும்,பிரிமியம் சில்வர் நகைகளுக்காக ஜிலாரியா என்ற பெயரிலும் பிரத்யோக பிரிவு துவக்கம் !
தருமை ஆதீன மணி விழாவில் ஈஷாவுடன் இணைந்து துவங்கப்பட்ட ‘கோவில் காடுகள் திட்டம்
கேஎம்சிஹெச் தலைவர் டாக்டர் நல்லா ஜி பழனிசாமிக்கு இந்திய மருத்துவ சேவை வழங்குநர்கள் சங்கத்தின் வாழ்நாள் சாதனையாளர் விருது
ஸ்டேன்ஸ் ஆங்கிலோ இந்தியன் மேல்நிலைப் பள்ளியின் 163 வது நிறுவனர் நாள் விழா
இந்திய சுகாதார சேவை வழங்குநர்கள் சங்கம் – தமிழ்நாடு பிரிவு சார்பில் கோவையில் மாபெரும் சுகாதார மாநாடு!
ஜெம் மருத்துவமனையின் தலைவர் டாக்டர். சி.பழனிவேலுவுக்கு ஜப்பான் தொராசிக் அறுவை சிகிச்சை சங்கத்தின் கௌரவ உறுப்பினர் அங்கீகாரம்
For English News
