March 30, 2017 
தண்டோரா குழு
ஆர்.கே.நகர் தொகுதியில், டிடிவி தினகரனுக்கு ஆதரவாக, நடிகை எமி ஜாக்சன் பிரசாரம் செய்ய உள்ளதாக, அக்கட்சியினர் தெரிவித்தனர்.
தமிழக முன்னாள் முதல்வர் ஜெயலலிதா மறைந்ததையடுத்து ஆர்.கே.நகர் தொகுதி இடைத்தேர்தல் வரும் ஏப்ரல் 12ம் தேதி நடைபெற வுள்ளது. இதில்,அ.தி.மு.க., – சசிகலா அணி சார்பில், தினகரன் போட்டியிடுகிறார். அவருக்கு, தொகுதியில் கடும்எதிர்ப்பு கிளம்பிவருகிறது. ஏனெனில், ஓபிஎஸ் அணி, ஜெ.அண்ணன் மகள் தீபா, திமுக என இம்முறை இடைத்தேர்தலில் கடும் போட்டி நிலவி வருகிறது.
இதையடுத்து, தினகரன் ஆதரவாளர்கள்பல வழிகளில், வாக்காளர்களை கவர நினைக்கின்றனர். அதன் ஒரு பகுதியாக, தினகரனுக்கு ஆதரவாக, சினிமா நட்சத்திரத்தை களமிறக்க முடிவு செய்துள்ளனர். அந்தவகையில், இங்கிலாந்தில் பிறந்து, லண்டனில் மாடல் அழகியாக பணிபுரிந்த, நடிகை எமி ஜாக்சனை அழைத்து வந்து, தினகரனுக்கு ஆதரவாக, பிரசாரம் செய்ய வைக்க திட்டமிட்டு கூறப்படுகிறது.
மதராசபட்டணம் திரைப்படம் மூலம், தமிழில் அறிமுகமானவர் எமி ஜாக்சன். இவர் அப்படத்தில், ஆங்கிலேய பெண்மணியாக, தொப்பி அணிந்து நடித்துள்ளார். அந்த படத்தில், எமி அணிந்திருந்த தொப்பிகள், விதவிதமாக வடிவமைக்கப்பட்டிருந்தன. இதனால், அந்த தொப்பிகள், மக்களிடையே மிகவும் பேசப்பட்டது.
அதை கருத்தில் கொண்டு, சிங்கப்பூரில் உள்ள, தினகரனின் நண்பர் மூலமாக, எமி ஜாக்சனை, பிரசாரத்திற்கு ஒப்பந்தம் செய்துள்ளதாக கூறப்படுகிறது.
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
கோவை பீளமேட்டில் உள்ள பி.எஸ்.ஜி மேலாண்மை கல்லூரியின் பட்டமளிப்பு விழா
குமரகுரு நிறுவனங்கள் பயோ இன்டஸ்ட்ரி கான்க்ளேவ் 2024ஐ நடத்தியது
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
ஆன்மீகப் பணிகளை மீண்டும் தொடங்கினார் சத்குரு!
For English News
