March 25, 2017 
தண்டோரா குழு
உத்தரபிரதேசத்தில் ஆசிட் வீச்சு தாக்குதலில் பாதிக்கப்பட்டவர் அருகில் செல்பி எடுத்தக்கொண்ட பெண் போலீசார் இடைநீக்கம் செய்யப்பட்டனர்.
உத்தரபிரதேஷ மாநிலத்தில் அலகாபாத் லக்னோ இடையே செல்லும் கங்கா கோமதி ரயிலில் 35 வயது பெண் வெள்ளிக்கிழமை (மார்ச் 24) பயணம் செய்தார். அவரை ஒரு கும்பல் கற்பழித்து, வலுக்கட்டாயமாக ஆசிட் குடிக்க செய்துள்ளது.
லக்னோ ரயில் நிலையத்தில் இறங்கிய அவர், பேச முடியாத காரணத்தால் தன் மீது நடந்த தாக்குதலை காவல்துறையினரிடம் எழுத்து மூலம் புகார் கொடுத்தார்.
“2௦௦8ம் ஆண்டு, தன்னை ஒரு கும்பல் கற்பழித்து, வயிற்றில் ஆசிட் ஊற்றியது. இது போன்ற பல தாக்குதலுக்கு ஆளானேன். இதையடுத்து தனக்கு பாதுகாப்பு தரவேண்டும் என்று காவல்துறையினரை கேட்டுக்கொண்டேன். ஆனாலும் எந்த பயனுமில்லை” என்று தன்னுடைய புகாரில் கூறினார்.
இதையடுத்து, பாதிக்கப்பட்ட பெண்ணை லுக்னோவிலுள்ள கிங் ஜார்ஜ் மருத்துவமனையில் சேர்க்கப்பட்டார். அவருக்கு பாதுகாப்பு அளிக்க மூன்று பெண் போலீசார் நியமிக்கப்பட்டனர். பணியிலிருந்த அவர்கள், பாதிக்கப்பட்ட பெண்ணிடம் அமர்ந்து சிரித்த படி, செல்பி எடுத்தனர். அந்த புகைப்படம் சமூக வலைதளங்களில் பரவியது.
இதையடுத்து அம்மூவரும் இடைநீக்கம் செய்யப்பட்டனர். இந்த சம்பவம் குறித்தும் அவர்கள் நடத்தை குறித்தும் விசாரணை மேற்கொள்ள உத்தரபிரதேஷ காவல்துறையினருக்கு உத்தரவிடப்பட்டுள்ளது.
“இந்த மூவரும் உணர்வற்றவர்கள்” என்று மூத்த காவல் அதிகாரி ஏ. சதீஷ் கணேஷ்” கூறினார்.
இந்நிலையில் உத்தரபிரதேஷ முதலமைச்சர் யோகி ஆதித்யானாத் மருத்துவமனைக்கு சென்று பாதிக்கப்பட்ட பெண்ணை சந்தித்துள்ளார். அந்த பெண்ணை தாக்கிய நபர்களை உடனடியாக கைது செய்ய உத்தரவிட்டார்.
உத்தரபிரதேஷ மாநிலம் சமாஜ்வாடி கட்சியின் ஆளுகைக்கீழ் இருந்தபோது, பெண்களுக்கு எதிராக நடக்கும் குற்றங்களையும், சட்ட ஒழுங்கின்மை ஆகியவற்றை முன்னிலைப்படுத்தி உத்தரபிரதேஷ் மாநிலத்தில் நடந்த தேர்தல் பிரச்சாரத்தில் யோகி ஆதித்யானாத் பேசினார் என்பது குறிப்பிடத்தக்கது.
மனித மூளைக்கும் கணினி மூளைக்கும் இடையேதான் வருங்காலத்தில் போட்டி இருக்கும் – நீயா நானா கோபிநாத் பேச்சு
மூளை அறுவை சிகிச்சைக்கு பிறகு மோட்டார் சைக்கிளில் கைலாய யாத்திரை; யோக விஞ்ஞானத்தின் சக்தியை காட்டுகிறது – சத்குரு
வாரணாசி, பாட்னா, மானேசர், ராஞ்சி, காஜியாபாத், ஆக்ரா மற்றும் அகர்தலா உட்பட நாடு முழுவதும் பிளிப்கார்ட்டின் விநியோகச் சங்கிலி தடம் விரிவாக்கம்
ஆசிரியர் தினத்தை கொண்டாடும் வகையில் மாதம் முழுவதும் ஆசிரியர்களுக்கும், கல்வியாளர்களுக்கும் பிரத்தியேக சலுகைகள் ஜி ஸ்கொயர், அறிவிப்பு
கோவை காளப்பட்டி பகுதியில் அடிசியா நிறுவனம் சார்பில் ஜல்லிகட்டு காளை சிலை திறப்பு
ஆர்தா செலக்ட் ஃபண்ட்ஸ் பங்குகளை வாங்குவதில் முதலீட்டாளர்கள் ஆர்வம்: இலக்கை தாண்டி 131 சதவீதம் அதிகரித்து பங்குகள் விற்பனை நிறைவு
For English News
