August 28, 2023 
தண்டோரா குழு
கோவை மாநகராட்சி மத்திய மண்டலம் டாடாபாத்,அழகப்பா செட்டியார் சாலையில் நமக்கு நாமே திட்டத்தின்கீழ் ரூ.51 லட்சம் மதிப்பீட்டில் 30 சென்ட் பரப்பளவு கொண்ட இடத்தில் அறிவியல் பூங்கா அமைக்கப்பட்டுள்ளது.
அறிவியல் பூங்காவில் பார்வையாளர் நேரம் காலை 07.00 மணி முதல் 10.00 மணி வரையிலும் மாலை 4.30 மணி முதல் 7.30 மணி வரையிலும் மாணவ, மாணவியர்கள், ஆசிரியர்கள் பயன்பாட்டிற்காக திறக்கப்படுகிறது.நுழைவுக்கட்டணம் ஏதும் வசூலிக்கப்படுவதில்லை.
இந்த அறிவியல் பூங்காவில் பெரிஸ்கோப் மாதிரி, பி.எஸ்.எல்.வி.ராக்கெட் மாதிரி, சந்திராயன் 3 மாதிரி, ஈர்ப்பு கருவிகள், டாக்டர்.அப்துல்கலாம் சிலை, கார் கட்டமைப்பு, மழை வில் வளைவு, சுழலும் பெரிஸ்கோப், ஒலியின் வேகம், தனிம அட்டவணை, அலை இயக்கம், ஈர்ப்புபந்து, நியூட்டன் 3வது விதி, பாஸ்கல்f சட்டம், மைய விலக்கு விசை, கியர்பெல் மற்றும் செயின் டிரைவ், ஆற்றல் நிறை மற்றும் மந்த நிலையில் பாதுகாப்பு, மோபியஸ் இசைக்குழு, உணர்வுச்சுவர், உலக நேர குளோப் வகை, ஈரப்பதம் அளவிடும் மீட்டர், மணிக்கூண்டு, எதிரொலிகுழாய், சூரிய குடும்பம், மழை அளவி உள்ளிட்ட அறிவியல் சிறப்பு அம்சங்களைக் கொண்ட பூங்காவில் வடிவமைக்கப்பட்டுள்ளது.
இதனை மாணவ, மாணவியர்கள், ஆசிரியர்கள், பொதுமக்கள் ஆகியோர் நேரில் சென்று பார்வையிட்டு, பயன்பெறலாம் என மாநகராட்சி கமிஷனர் பிரதாப் கேட்டுக்கொண்டுள்ளார்.
For English News
