February 17, 2021 
தண்டோரா குழு
பஞ்சமி நிலங்களை மீட்க கோரியும், அருந்ததியர் மக்களுக்கு மாநகரிலே வீடு கட்டித்தர கோரியும் சமூக நீதி கட்சியின் மகளிர் அணி சார்பாக வட்டாட்சியர் அலுவலகம் முன்பாக போராட்டம் நடத்தினர்.
கோவை வட்டாட்சியர் அலுவலகம் முன்பாக சமூக நீதி கட்சியின் மகளிர் அணி சார்பாக புறம்போக்கு நிலங்களில் வசிக்கும் மக்களுக்கு பட்டா வழங்க அரசாணை பிறப்பிக்க கோரியும், பஞ்சமி நிலங்களை மீட்க தனி சட்டம் இயற்ற கோரியும், கோவை உக்கடம் பகுதியில் இருந்து வெளியேற்றப்பட்ட மக்களை மாநகரிலேயே குடியமர்த்த கோரியும், அருந்ததியர் மக்களுக்கு வீடுகள் கட்டிக்கொடுக்க கோரியும் போராட்டம் நடத்தினர்.
பின்னர், கோவை பகுதியில் உள்ள இடங்கள் பெருவாரியாக தனியார் மற்றும் அரசு அதிகாரிகளால் ஆக்கிரமிக்கப்பட்டுள்ளதாகவும், தாழ்த்தப்பட்ட மக்களுக்கு அரசு ஒதுக்கியுள்ள 23,500 கோடி ரூபாய் நிதி முறையாக மக்களை வந்தடையவில்லை என்றும், தாழ்த்தப்பட்ட மக்களுக்கு வீடு கட்ட ஒதுக்கப்பட்ட 1500 கோடி ரூபாய் என்ன ஆகிற்று என்று தெரியவில்லை என்று சமூக நீதிக் கட்சியின் தலைவர் ந.பன்னீர்செல்வம் பத்திரிகையாளர்களிடம் தெரிவித்தார்.
மேலும், கோவை மாநகரத்தில் இருந்து அப்புறப் படுத்தப்பட்ட தூய்மைப் பணியாளர்கள் 25 கி.மீ க்கு அப்பால் இருந்து தூய்மைப் பணிக்காக வந்து செல்ல மிகவும் சிரமப்படுகின்றனர் அவர்களின் நலனை கருத்தில் கொண்டு தமிழக அரசு உரிய நடவடிக்கை எடுத்து மாநகரிலேயே அவர்களுக்கு வீடு கட்டி கொடுக்க வேண்டும் தெரிவித்தார்.கடந்த 2006 ஆம் ஆண்டு ஆட்சேபனையற்ற புறம்போக்கு நிலத்தில் வசிக்கும் மக்களுக்கு முன்னாள் முதல்வர் கலைஞர், பட்டா வழங்க அரசாணை பிறப்பித்தார், இது நாள் வரை அந்த அரசாணை நடைமுறைப்படுத்தப் படவில்லை என்று குற்றம் சாட்டினார்.
கோவையில் ‘ஜூவல் ஒன்’ நிறுவனம் சார்பில் புளோரன்சியா என்ற பெயரிலும்,பிரிமியம் சில்வர் நகைகளுக்காக ஜிலாரியா என்ற பெயரிலும் பிரத்யோக பிரிவு துவக்கம் !
தருமை ஆதீன மணி விழாவில் ஈஷாவுடன் இணைந்து துவங்கப்பட்ட ‘கோவில் காடுகள் திட்டம்
கேஎம்சிஹெச் தலைவர் டாக்டர் நல்லா ஜி பழனிசாமிக்கு இந்திய மருத்துவ சேவை வழங்குநர்கள் சங்கத்தின் வாழ்நாள் சாதனையாளர் விருது
ஸ்டேன்ஸ் ஆங்கிலோ இந்தியன் மேல்நிலைப் பள்ளியின் 163 வது நிறுவனர் நாள் விழா
இந்திய சுகாதார சேவை வழங்குநர்கள் சங்கம் – தமிழ்நாடு பிரிவு சார்பில் கோவையில் மாபெரும் சுகாதார மாநாடு!
ஜெம் மருத்துவமனையின் தலைவர் டாக்டர். சி.பழனிவேலுவுக்கு ஜப்பான் தொராசிக் அறுவை சிகிச்சை சங்கத்தின் கௌரவ உறுப்பினர் அங்கீகாரம்
For English News
