March 11, 2017 
தண்டோரா குழு
மணிப்பூர் சட்டப் பேரவைத் தேர்தலில் படுதோல்வியைச் சந்தித்ததை தொடர்ந்து அரசியலிலிருந்து விலகுவதாக ‘மணிப்பூரின் இரும்புப் பெண்மணி’ என அழைக்கப்படும் இரோம் சர்மிளா அறிவித்துள்ளார்.
மணிப்பூர் மாநிலத்தில் இருந்து சிறப்பு ஆயுதப்படைச் சட்டத்தைத் திரும்பப் பெற வலியுறுத்தி, கடந்த 16 ஆண்டுகளாக உண்ணாவிரதப் போரட்டம் இருந்து கடந்த ஆண்டு ஆகஸ்ட் மாதம் தனது உண்ணாவிரத போராட்டத்தை முடித்துக் கொண்டார்.
அதைத் தொடர்ந்து 2017-ஆம் ஆண்டு நடைபெறும் மணிப்பூர் சட்டப் பேரவைத் தேர்தலில் அம்மாநில முதல்வர் ஓக்ராம் இபோபியை எதிர்த்து போட்டியிடப் போவதாக அறிவித்தார். தெளபால் தொகுதியில் மாநில முதல்வர் இபோபி தொடர்ந்து மூன்று முறை வெற்றி பெற்றவர். அவரை எதிர்த்து இரோம் சர்மிளா இந்த முறை போட்டியிட்டார்.
இந்நிலையில், மணிப்பூர் சட்டப் பேரவைத் தேர்தல் முடிவுகள் சனிக்கிழமை வெளியானது. இதில், இரோம் சர்மிளா படுதோல்வி அடைந்தார். அவர் 100 ஓட்டுகள் கூட பெற முடியாமல், டெபாசிட்டை இழந்தார். அவரை எதிர்த்து போட்டியிட்ட முதல்வர் இபோபி ஓக்ராம், இரோம் சர்மிளாவை விட 15,000 ஓட்டுகள் அதிகம் பெற்று வெற்றி பெற்றார்.
இந்நிலையில், படுதோல்வியைச் சந்தித்த இரோம் சர்மிளா அரசியலில் இருந்து விலகப் போவதாக சனிக்கிழமை மாலை அறிவித்துள்ளார். மக்களுக்காக 16 ஆண்டுகள் உண்ணாவிரதம் இருந்தும், மிகப்பெரிய தோல்வியைச் சந்தித்ததால் ஏற்பட்ட விரக்தியில் அவர் இந்த முடிவை எடுத்துள்ளதாகக் கூறப்படுகிறது.
ஐஐஐடி சங்கம் கோவை கிளை சார்பில் கோவையில் 300 அடி அகல சுவர் ஓவியம்
கோவை பீளமேட்டில் உள்ள பி.எஸ்.ஜி மேலாண்மை கல்லூரியின் பட்டமளிப்பு விழா
குமரகுரு நிறுவனங்கள் பயோ இன்டஸ்ட்ரி கான்க்ளேவ் 2024ஐ நடத்தியது
கோவை மேயர், துணை மேயர் ஆதரவில் வாட்ஸ் அப் குழுவில் டெண்டர் ஒதுக்கீடு – லஞ்ச ஒழிப்பு போலீசார் விசாரணை
எல்ஜி அதன் புதிய ஆயில்-லூப்ரிகேட்டட் ஸ்க்ரூ ஏர் கம்பிரஸர்களை உள்ளடக்கிய ‘ஈஜி சூப்பர் பிரீமியம்’ வரம்பை அறிமுகம் செய்துள்ளது
ஆன்மீகப் பணிகளை மீண்டும் தொடங்கினார் சத்குரு!
For English News
