February 7, 2017 
தண்டோரா குழு
தமிழக அரசியல் குறித்து தாம் எந்த கருத்தும் தெரிவிக்கவில்லை என்று இந்திய கிரிக்கெட் வீரர் ரவிச்சந்திரன் அஸ்வின் குறிப்பிட்டுள்ளார்.
அதிமுக பொதுச் செயலாளர் சசிகலா தமிழகத்தின் புதிய முதலமைச்சராக விரைவில் பதவி ஏற்கவுள்ளார். ஆனால், அவருக்குப் பல்வேறு தரப்பினர் சமூக வலைதளங்கள் மூலம் எதிர்ப்பு தெரிவித்து வருகின்றனர்.
இந்தச் சூழ்நிலையில், தமிழகத்தைச் சேர்ந்த இந்திய அணியின் சுழற்பந்துவீச்சாளர் ரவிச்சந்திரன் அஸ்வின் தனது “டுவிட்டர்” பக்கத்தில்,
“தமிழகத்தில் இளைஞர்களுக்கு 234 வேலைவாய்ப்புகள் விரைவில் உருவாக உள்ளன” என்று குறிப்பிட்டிருந்தார்.தமிழகத்தில் விரைவில் சட்டப்பேரவைத் தேர்தல் நடைபெறும் என்பதை சூசகமாகத் தெரிவிக்கும் வகையில் அஸ்வின் தனது டுவிட்டர் பக்கத்தில் கருத்துக் கூறியதாகப் செய்தி பரவியது.
ஆனால், இந்தக் கருத்துக்குப் பல்வேறு தரப்பில் இருந்து எதிர்ப்பு கிளம்பியது.அதையடுத்து, தனது மற்றொரு பதிவில் அஸ்வின் தாம் அரசியல் தொடர்பாக எந்தக் கருத்தையும் தெரிவிக்கவில்லை என்று விளக்கம் அளித்துள்ளார்.
“நான் குறிப்பிட்டது வேலைவாய்ப்பு குறித்த தகவலை மட்டுமேயன்றி வேறில்லை” என்று கூறியுள்ளார் அஸ்வின்.
டிஎன்சிடி நிறுவனம் சார்பில் கோவையில் மேக்னம் சிட்டி திட்டம் அறிமுகம்
லயன்ஸ் கிளப் ஆப் கோயம்புத்தூர் கிறிஸ்டல் சார்பில் ஆதரவற்றோருக்கு உணவு வழங்கல்
சிறந்த கல்லூரிகளுக்கான NIRF தரவரிசை பட்டியலில் 9 வது இடம் பிடித்த பிஎஸ்ஜிஆர் மகளிர் கல்லூரி
லயன்ஸ் கிளப் ஆப் கோயம்புத்தூர் ஜுபிடர் சார்பில் ஆதரவற்ற முதியோருக்கு உணவு வழங்கல்
ஆசிரியர் தினத்தை முன்னிட்டு அலையன்ஸ் கிளப் ஆப் கோயம்புத்தூர் சேரன் சார்பில் கௌரவிக்கப்பட்ட ஆசிரியர்கள் !
சத்குருவின் பிறந்த நாளில் காவேரி கூக்குரல் 1 லட்சம் மரக்கன்றுகள் நடவு – தமிழகமெங்கும் விவசாய நிலங்களில் நடப்பட்டது
For English News
