December 24, 2016 
தண்டோரா குழு
பிரபல தற்காப்புக்கலை வல்லுநரான ஷிஹா் ஹுசைனி ‘அம்மா மக்கள் முன்னேற்ற அமைப்பு’ என்ற புதிய கட்சியைத் தொடங்கியுள்ளதாகத் தெரிவித்தார்.
மறைந்த தமிழக முதல்வர் ஜெயலலிதா சொத்துக் குவிப்பு வழக்கில் தண்டனை பெற்று கர்நாடக சிறையில் இருந்தபோது அவர் விடுதலையாக வேண்டும் என்பதற்காக தன்னைத் தானே சிலுவையில் அறைந்து கொண்டார் தற்காப்புக் கலைஞரான ஹுசைனி. இதன் மூலம் அதிமுக வட்டாரத்தில் அக்கட்சியின் உண்மை விசுவாசியாக பாராட்டப்பட்டார்.
ஜெயலலிதாவின் மறைவுக்கு பிறகு கட்சி விவகாரத்தில் எதிலும் தலையிடாமல் ஈடுபாடமல் இருந்த ஹுசைனி, தற்போது “அம்மா மக்கள் முன்னேற்ற அமைப்பு” (AMMA) என்ற புதிய கட்சியைத் தொடங்கியுள்ளதாக அறிவித்துள்ளார். முன்னதாக ஹுசைனி மத்திய அமைச்சர் வெங்கையா நாயுடுவைச் சந்தித்தார். அதன் பின்னர் அவர் இந்த அறிவிப்பை வெளியிட்டுள்ளார்.
இது குறித்து ஹூசைனி கூறுகையில், “ஜெயலலிதா மறைவிற்கு பின் தமிழகத்தில் மோசமான நிகழ்வுகள் நடந்து வருகின்றன. எனவே அதை மாற்றும் வகையில்தான் நான் அரசியலில் குதிக்கும் முடிவை எடுத்துள்ளேன். நான் என்றுமே ஜெயலலிதாவின் ரசிகன், தொண்டன், விசுவாசிதான்.
மேலும், வெங்கையா நாயுடு எனக்கு 15 ஆண்டு கால நண்பர். கட்சி குறித்து விவாதிப்பதற்காக அவரைச் சந்திக்கவில்லை. ஆனால், கட்சி தொடங்குவதற்கு அவரிடம் வாழ்த்து பெற்றேன்” என்றார்.
கோவையில் அகில இந்திய ரியல் எஸ்டேட் கூட்டமைப்பின் கோவை மாவட்ட புதிய நிர்வாகிகள் தேர்வு தொடர்பாக ஆலோசனை கூட்டம்
கோவையில் ‘ஹபிபி – அரேபியன் நைட்ஸ்’ பிரம்மாண்ட 2026 புத்தாண்டு கொண்டாட்டம் !
கோவையில் எஸ் ஒன் ப்ரோ4680 பாரத் செல் பேட்டரி வசதியுடன் கூடிய ஓலா ஸ்கூட்டர் அறிமுகம் !
ரெக்ஸ் ஆர்த்தோ மருத்துவமனையில் முகம் – தாடை மற்றும் முக அழகு அறுவை சிகிச்சை மற்றும் பல் மருத்துவத்துறை துவக்கம் !
விவசாய நிலங்களில் விளைவது அனைத்தும் விவசாயிகளுக்கே சொந்தம்! பிரிட்டிஷ் கால சட்டங்களை மாற்ற மத்திய அமைச்சரிடம் சத்குரு கோரிக்கை
குளோபல் பீஸ் கோப்பை : 400 வீராங்கனைகள் கலந்து கொள்ளும் கால்பந்து போட்டிகள் – கோவையில் நடக்கிறது!
For English News
