July 27, 2017 
தண்டோரா குழு
அமெரிக்காவில் திருநங்கைகள் ராணுவத்தில் சேர அனுமதியில்லை என்று அமெரிக்க குடியரசு தலைவர் டொனால்ட் டிரம்ப் தெரிவித்துள்ளார்.
அமெரிக்க நாட்டின் முன்னாள் குடியரசு தலைவர் பாரக் ஒபாமா, அமெரிக்க ராணுவத்தில் திருநங்கைகளை சேர்க்கும் திட்டத்தை கொண்டு வந்தார். அதற்கு பலர் தங்கள் ஆதரவை தெரிவித்தனர். ஆனால், டொனால்ட் டிரம்ப் அமெரிக்க நாட்டின் குடியரசு தலைவர் பதவியை ஏற்ற பிறகு, பல அதிரடி திட்டங்களை கொண்டு வந்தார்.
திருநங்கைகள் அமெரிக்க ராணுவத்தில் சேருவதை அடுத்த ஆண்டு ஜனவரி 1ம் தேதி வரை ஒத்தி வைக்கப்பட்டுள்ளது என்று அமெரிக்க பாதுகாப்பு செயலாளர் கடந்த ஜூன் மாதத்தில் தெரிவித்திருந்தார். தற்போது, அமெரிக்க ராணுவத்தில் திருநங்கைகள் சேர அனுமதியில்லை என்று அதிரடி அறிவிப்பை டிரம்ப் வெளியிட்டார்.
மேலும் “எனது ஜெனெரல்கள் மற்றும் ராணுவ நிபுணர்களுடன் கலந்து ஆலோசித்த பிறகு தான்,இந்த முடிவு எடுக்கப்பட்டது. அதன்படி, அமெரிக்க ராணுவத்தில் திருநங்கைகள் பணியாற்றலாம் என்று முன்னால் அதிபர் பாரக் ஒபாமா கொண்டு வந்த திட்டத்தை ரத்து செய்துள்ளோம். அமெரிக்க நாட்டின் எந்த ராணுவ பிரிவிலும் திருநங்கைகள் சேர அனுமதிக்காது என்று தெரிவித்துள்ளார்.
அமெரிக்க ராணுவம் தீர்க்கமான மற்றும் அதிகமான வெற்றிக்கு கவனம் செலுத்த வேண்டும். ராணுவத்தில் திருநங்கைகளால் ஏற்படும் அதிக மருத்துவ செலவுகளுக்கு இனி இடமில்லை” என்று தனது ட்விட்டரில் அமெரிக்க அதிபர் டிரம்ப் பதிவிட்டிருந்தார்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
