• Download mobile app
30 Jun 2022, ThursdayEdition - 2332
FLASH NEWS
  • அக்னிபாத் திட்டத்தின்கீழ் இந்திய விமானப்படையில் சேர்வதற்கு ஜூன் 24ம் தேதி முதல் விண்ணப்பிக்கலாம்!
  • தமிழக நிதிநிலை அறிக்கை ஏமாற்றமே – தேமுதிக தலைவர் விஜயகாந்த்
  • 14.40 லட்சம் பேரின் நகைக்கடன்கள் தள்ளுபடி அதிரடி அறிவிப்பு
  • 12 டூ 18 வயசுக்கு இனி கோவாக்சின்.. அனுமதி கொடுத்தது மத்திய அரசு!
  • 3 வேளாண் சட்டங்களை ரத்து செய்யும் மசோதா மக்களவையில் நிறைவேற்றம்
  • “பாஜகவை விட வேளாண் சட்டங்களை பழனிசாமிதான் அதிகமாக ஆதரித்தார்!” – முதலமைச்சர் ஸ்டாலின்
  • ஏன் இந்தி மொழியை கற்க கூடாது? – உயர்நீதிமன்ற மதுரைக்கிளை நீதிபதிகள்
  • 3 வேளாண் சட்டங்களும் வாபஸ் – பிரதமர் மோடி அறிவிப்பு !

பொதுமக்களிடம் கனிவாக பேசவேண்டும் – நகர்நல மைய மருத்துவர்கள், செவிலியர்களுக்கு மேயர் அறிவுரை

May 16, 2022 தண்டோரா குழு

கோவை மாநகராட்சி தெற்கு மண்டல பகுதிகளில் ரூ.4 கோடி மதிப்பீட்டில் 7.77 கிலோ மீட்டர் தொலைவிற்கு 60 இடங்களில் தார் சாலை அமைக்கும் பணிகள் மற்றும் கோவைப்புதூர், இடையர்பாளையம் மற்றும் போத்தனூர் ஆகிய இடங்களில் தலா ரூ.25 லட்சம் மதிப்பீட்டில் கட்டப்பட்டு வரும் நகர்ப்புற சுகாதார மையம் கட்டுமானப்பணிகள் ஆகியவற்றை மேயர் கல்பனா ஆனந்தகுமார் நேரில் பார்வையிட்டு ஆய்வு செய்தார்.

தெற்கு மண்டலம் வார்டு எண் 92 மற்றும் 93க்குட்பட்ட மணிகண்டன் நகர் பகுதியில் ரூ.3.24 கோடி மதிப்பீட்டில் 6.27 கிலோ மீட்டர் தொலைவிற்கு 45 இடங்களிலும், வார்டு எண் 95க்குட்பட்ட திருமறை நகர் பகுதியில் ரூ.74.80 கோடி மதிப்பீட்டில் 1.5 கிலோ மீட்டர் தொலைவிற்கு 15 இடங்களில் தார் சாலை அமைக்கும் பணிகளையும் மேயர் கல்பனா ஆனந்தகுமார் நேரில் பார்வையிட்டு ஆய்வு செய்து, பணியினை விரைவாகவும், தரமானதாகவும் செய்து முடித்து பொதுமக்கள் பயன்பாட்டிற்கு கொண்டுவர பொறியாளர்களுக்கு அறிவுறுத்தினார்.

அதனைத் தொடர்ந்து வார்டு எண் 90க்குட்பட்ட கோவைப்புதூர், வார்டு எண் 92க்குட்பட்ட இடையர்பாளையம், வார்டு எண் 95க்குட்பட்ட போத்தனூர் ஆகிய இடங்களில் தலா ரூ.25 லட்சம் மதிப்பீட்டில் கட்டப்பட்டு வரும் நகர்நல மையம் கட்டுமானப்பணியினை மேயர் பார்வையிட்டார். தொடர்ந்து 95வது வார்டு போத்தனூர் நகர்நல மையத்திற்கு சென்று ஆய்வு செய்து, சிகிச்சைக்கு வந்த நபர்களிடம் குறைக்களை கேட்டறிந்தார். பொதுமக்களிடம் கனிவாக பேசவேண்டும், தரமான சிகிச்சை வழங்க வேண்டுமென மருத்துவர்கள் மற்றும் செவிலியர்களுக்கு அறிவுரை வழங்கினார்.

இந்த ஆய்வின்போது மாநகராட்சி கமிஷனர் ராஜ கோபால் சுன்கரா, துணை மேயர் வெற்றிசெல்வன், தெற்கு மண்டல தலைவர் தனலட்சுமி, தெற்கு மண்டல உதவி கமிஷனர் அண்ணாதுரை, கவுன்சிலர்கள் இளஞ்சேகரன், அப்துல் காதர், பாபு, ரமேஷ் மற்றும் பலர் உடன் இருந்தனர்.

மேலும் படிக்க