• Download mobile app
23 Apr 2021, FridayEdition - 1899
FLASH NEWS
  • மே 1ஆம் தேதி முதல் 18 வயதிற்கு மேற்பட்ட அனைவருக்கும் கொரோனா தடுப்பூசி – மத்திய அரசு அனுமதி
  • ரஷ்யாவின் ‘Sputnik V’ தடுப்பூசிக்கு மத்திய அரசு ஒப்புதல் அளித்தது !
  • நடிகர் ரஜினிக்கு தாதாசாகேப் பால்கே விருது அறிவிப்பு
  • அரசு ஊழியர்கள் ஓய்வு பெறும் வயது 60 ஆக உயர்த்தி தமிழக அரசு அறிவிப்பு!
  • 2021 ஆண்டில் 9, 10, 11ஆம் வகுப்பு மாணவ-மாணவிகள் பொதுத்தேர்வு இன்றி தேர்ச்சி – முதலமைச்சர்
  • சசிகலா அ.தி.மு.க கொடியைப் பயன்படுத்துவது சட்டவிரோதம் – அமைச்சர் ஜெயக்குமார்
  • “அடக்குமுறைகளுக்கு அடிபணியமாட்டேன்” – சசிகலா

பி.எஸ்.ஜி.பார்மசி கல்லூரியின் முதல்வருக்கு சிறந்த ஆராய்ச்சிகான விருது !

March 5, 2021 தண்டோரா குழு

கோவை பி.எஸ்.ஜி.பார்மசி கல்லூரியின் முதல்வர் மு.இராமநாதன் மூளை சிதைவு நோயின் மருந்து குறித்த ஆராய்ச்சியில் டாக்டர் ஆப் சயின்ஸ் பட்டம் வாங்கி கோவைக்கு பெருமை சேர்த்துள்ளார்.

கோவை பி.எஸ்.ஜி.பார்மசி கல்லூரியின் முதல்வராக இருப்பவர் மு.இராமநாதன்.இவர் ஏற்கனவே சர்க்கரை நோய் குறித்த மருந்தியல் ஆராய்ச்சி துறையில் பி.எச்.டி.பிடித்துள்ளார். இந்நிலையில் மேலும் இவர் கடந்த இருபது ஆண்டுகளாக மூளை சிதைவு நோய் தொடர்புடைய மருந்தியல் ஆராய்ச்சி செய்து வந்த இவர்,அதில் வெற்றியும் கண்டு,அறிவியல் மற்றும் தொழில்நுட்ப துறையில் உயரிய டாக்டர் ஆப் சயின்ஸ் பட்டம் பெற்றுள்ளார்.

தமிழ்நாடு டாக்டர் எம்.ஜி.ஆர்.மருத்துவ பல்கலை கழகம் இவருக்கு இந்த உயரிய பட்டத்தை வழங்கியுள்ளது. கடந்த 26 ம் தேதி தமிழக சுகாதார அமைச்சர் விஜயபாஸ்கர் மற்றும் சுகாதாரத்துறை இயக்குனர் ராதாகிருஷ்ணன் ஆகியோர் முன்னிலையில் கவர்னர் பன்வாரிலால் புரோகித் இவருக்கு டாக்டர் ஆப் சயின்ஸ் பட்டம் வழங்கி கஙுரவித்துள்ளார்.

இந்நிலையில் பட்டம் வாங்கி கோவை மற்றும் பி.எஸ்.ஜி.பார்மசி கல்லூரிக்கு பெருமை சேர்த்து முனைவர் இராமநாதனுக்கு, பி.எஸ்.ஜி.மருத்துவமனையின் சிறப்பு மருத்துவர்கள் புவனேஷ்வர், ஜெகந்நாதன்,ஜெயசுதா ஆகியோர் வாழ்த்து தெரிவித்தனர்.

தொடர்ந்து செய்தியாளர்களிடம் பேசிய முனைவர் இராமநாதன்,

ஆராய்ச்சியில் ஈடுபடும் இளைய தலைமுறை மாணவர்கள் தங்களது முயற்சியை கைவிடாமல் தொடர்ந்து அறிவியல் மற்றும் துறை சார்ந்த ஆராய்ச்சிகள் ஈடுபடுவதால் வெற்றி பெற இயலும் என தெரிவித்தார்.

மேலும் படிக்க