• Download mobile app
03 Aug 2021, TuesdayEdition - 2001
FLASH NEWS
  • பள்ளிகளை திறப்பது குறித்து மாநில அரசுகளே முடிவெடுத்துக்கொள்ள மத்திய சுகாதாரத்துறை அறிவுறுத்தல்!
  • ரூ.1 லட்சம் அபராதத்தை நிவாரண நிதியாக தர விருப்பமில்லை: நடிகர் விஜய் தரப்பில் விளக்கம்
  • பெகாஸஸ் உளவு மென்பொருளை இந்திய அரசு வாங்கியதா, இல்லையா? – ராகுல் காந்தி
  • தமிழ்நாட்டில் +2 பொதுத்தேர்வுகள் ரத்து செய்யப்படுவதாக முதல்வர் மு.க.ஸ்டாலின் அறிவிப்பு
  • திருநங்கைகளுக்கு ரூ.1,500 உதவித்தொகை: மத்திய அரசு அறிவிப்பு
  • ரஷ்யாவின் ‘Sputnik V’ தடுப்பூசிக்கு மத்திய அரசு ஒப்புதல் அளித்தது !
  • நடிகர் ரஜினிக்கு தாதாசாகேப் பால்கே விருது அறிவிப்பு
  • அரசு ஊழியர்கள் ஓய்வு பெறும் வயது 60 ஆக உயர்த்தி தமிழக அரசு அறிவிப்பு!
  • 2021 ஆண்டில் 9, 10, 11ஆம் வகுப்பு மாணவ-மாணவிகள் பொதுத்தேர்வு இன்றி தேர்ச்சி – முதலமைச்சர்
  • “அடக்குமுறைகளுக்கு அடிபணியமாட்டேன்” – சசிகலா

பாஜகவையும் பிரதமரையும் திமுகவினர் விமர்சிப்பது விளம்பரத்துக்காகவா ? – வானதி ஸ்ரீனிவாசன்

July 19, 2021 தண்டோரா குழு

கொங்கு நாடு விவகாரத்தில் தனக்கு தனிப்பட்ட கருத்து எதுவும் கிடையாது.கட்சியின் பொறுப்பாளராக எங்களது நிலைப்பாட்டை வெளிப்படுத்தி உள்ளோம். இப்பகுதி மக்களின் நீண்ட நாள் பிரச்சனை மற்றும் கோரிக்கைகளை கொங்குநாடு தற்போதைய அரசு எப்படி நிறைவேற்றுகிறது என்பதை பொறுத்தே கொங்குநாடு குறித்து பாஜகவின் அடுத்த கட்ட நகர்வு இருக்குமென வானதி சீனிவாசன் கூறியுள்ளார்.

கோவை காந்திபுரம் விகேகே மேனன் சாலையில் உள்ள பாஜகவின் மாவட்ட தலைமை அலுவலகத்தில் அக்கட்சியின் சார்பில் ஆடிட்டர் ரமேஷ் எட்டாம் ஆண்டு நினைவஞ்சலி செலுத்தும் நிகழ்ச்சி நடைபெற்றது. இதில் தேசிய மகளிர் அணி தலைவரும் கோவை தெற்கு தொகுதி சட்டமன்ற உறுப்பினருமான வானதி சீனிவாசன்,மாநில பொது செயலாளர் ஜி.கே செல்வகுமார், மாவட்ட ஊடக பிரிவு தலைவர் பிரேம்குமார்,மாவட்டத் தலைவர் நந்தகுமார் உள்ளிட்ட நிர்வாகிகள் கலந்து கொண்டு ஆடிட்டர் ரமேஷின் படத்துக்கு மலர் தூவி மௌன அஞ்சலி செலுத்தினர்.

பின்னர் செய்தியாளர்களுக்கு பேட்டியளித்த வானதி சீனிவாசன்,

ஆடிட்டர் ரமேஷ் மறைவுக்கு உரிய நீதி கிடைக்க வேண்டும்.தமிழகத்துக்கு மத்திய அரசு ஒதுக்கீடு செய்யும் தடுப்பூசிகள் தனியார் மருத்துவமனைகளுக்கு விற்பனை செய்யப்படுவதாகவும், அதற்கான ஆதாரங்களை பாஜகவினர் திரட்டி வருவதாகவும் தெரிவித்த அவர்,ஸ்மார்ட் சிட்டி திட்டத்தின் கட்டுமான பணிகளுக்காக கோவில்கள் இடிக்கப்படுவதற்கு பதிலாக, கோவில்களை அழகுபடுத்தும் பணியில் சேர்த்துக் கொள்ள வேண்டும் என தெரிவித்தார்.

பத்திரிகையாளர்கள் மற்றும் முக்கிய பிரமுகர்களின் செல்போன் தரவுகள் பெகாசஸ் ஸ்பைவேர் என்ற செயலி மூலம் உளவு பார்க்கப்பட்டதாக எழுந்த சர்ச்சை குறித்து மத்திய அரசு உரிய விசாரணை மேற்கொண்டு அறிக்கையை வெளியிடும் என்றார். கொங்குநாடு விவகாரத்தில் தனிப்பட்ட கருத்து எதுவும் இருக்க முடியாது என தெரிவித்த வானதி, கட்சியின் பொறுப்பாளராக கருத்தை தெரிவிக்க முடியும் எனவும்,இப்பகுதி மக்களின் நீண்ட நாள் பிரச்சனைகள், தேவைகள் மற்றும் கோரிக்கைகளை தற்போதைய மாநில அரசு எப்படி நிறைவேற்றுகிறது என்பதை பொறுத்தே கொங்குநாடு குறித்து பாஜகவின் அடுத்த கட்ட நகர்வு இருக்கும் என்றார்.

திமுக குறித்து விமர்சித்து பாஜக மாநிலத் தலைவர் அண்ணாமலை விளம்பரம் தேடுவதாக அறநிலையத்துறை அமைச்சர் சேகர்பாபுவின் கருத்துக்கு, பாஜகவையும் பிரதமரையும் திமுகவினர் விமர்சிப்பது விளம்பரத்துக்காகவா என கேள்வி எழுப்பினார்.

மேலும் படிக்க