• Download mobile app
18 Oct 2021, MondayEdition - 2077
FLASH NEWS
  • வாட்ஸ் அப், இன்ஸ்டாகிராம், பேஸ்புக் ஆகிய தளங்கள் இயங்குவதில் பாதிப்பு
  • பள்ளிகளை திறப்பது குறித்து மாநில அரசுகளே முடிவெடுத்துக்கொள்ள மத்திய சுகாதாரத்துறை அறிவுறுத்தல்!
  • ரூ.1 லட்சம் அபராதத்தை நிவாரண நிதியாக தர விருப்பமில்லை: நடிகர் விஜய் தரப்பில் விளக்கம்
  • பெகாஸஸ் உளவு மென்பொருளை இந்திய அரசு வாங்கியதா, இல்லையா? – ராகுல் காந்தி
  • தமிழ்நாட்டில் +2 பொதுத்தேர்வுகள் ரத்து செய்யப்படுவதாக முதல்வர் மு.க.ஸ்டாலின் அறிவிப்பு
  • திருநங்கைகளுக்கு ரூ.1,500 உதவித்தொகை: மத்திய அரசு அறிவிப்பு
  • ரஷ்யாவின் ‘Sputnik V’ தடுப்பூசிக்கு மத்திய அரசு ஒப்புதல் அளித்தது !
  • நடிகர் ரஜினிக்கு தாதாசாகேப் பால்கே விருது அறிவிப்பு
  • அரசு ஊழியர்கள் ஓய்வு பெறும் வயது 60 ஆக உயர்த்தி தமிழக அரசு அறிவிப்பு!
  • 2021 ஆண்டில் 9, 10, 11ஆம் வகுப்பு மாணவ-மாணவிகள் பொதுத்தேர்வு இன்றி தேர்ச்சி – முதலமைச்சர்
  • “அடக்குமுறைகளுக்கு அடிபணியமாட்டேன்” – சசிகலா

சின்னவேடம்பட்டி மாநகராட்சி நடுநிலை பள்ளியில் ‘கலைஞரின் வரும் முன் காப்போம்’ திட்டம் துவக்கம்

October 12, 2021 தண்டோரா குழு

தமிழக அரசின் மருத்துவம் மற்றும் மக்கள் நல்வாழ்வுதுறை ‘கலைஞரின் வரும் முன் காப்போம்’ என்ற திட்டத்தை மீண்டும் புதுப்பொலிவுடன் செயல்படுத்த முன்வந்துள்ளது. இத்திட்டத்தின் கீழ் கோவை மாவட்டத்தில் ஊரக பகுதியில் 36 முகாம்களும், மாநகராட்சியில் 4 முகாம்களும் நடத்த திட்டமிடப்பட்டுள்ளது.

ஒருவருடத்திற்கு 1250 முகாம்கள் என்ற இலக்கில் நடைமுறை படுத்த உத்தேசித்துள்ள இத்திட்டம் அந்தந்த பகுதிகளில் குறிப்பிட்ட நாட்களில் காலை 9 மணி துவங்கி மாலை 4 மணி முடிய செயல்படுத்தப்படும். இத்திட்டம் கோவை மாநகராட்சியில் இன்று சின்னவேடம்பட்டி மாநகராட்சி நடுநிலை பள்ளியில் துவங்கப்பட்டது.

இந்தத் திட்டத்தின் கீழ் பொதுமக்களுக்கு பொது மருத்துவம், பொது அறுவை சிகிச்சை மருத்துவம், குழந்தைகள் நல மருத்துவம், மகப்பேறு மற்றும் பெண்கள் நல மருத்துவம், கண் மருத்துவம், காது, மூக்கு, தொண்டை மருத்துவம் போன்ற பத்து வகையான சிறப்பு மருத்துவர்களால் நோயைக் கண்டறிந்து அதற்கான முதல் சிகிச்சைகளும் செய்யப்படும்.

இலவசமாக இரத்த பரிசோதனை, ஸ்கேன், இ.சி.ஜி மற்றும் எக்கொ பரிசோதனைகளும் செய்யப்படும். மருத்துவ பரிசோதனைக்கு பின்னர் முகாமிலேயே முதல் சிகிச்சையும் இலவசமாக மருந்துகளும் வழங்கப்படும். மேற்பரிந்துரை தொடர் சிகிச்சை தேவைப்படின், நோயின் தன்மையைப் பொறுத்து முதலமைச்சரின் விரிவான காப்பீட்டு திட்டம் மூலமாக அரசு மற்றும் தனியார் மருத்துவமனைகளுக்கு மக்கள் பரிந்துரை செய்யப்படுவர்.

இந்நிகழ்வில் மாவட்ட கலெக்டர் சமீரன், மாநகராட்சி கமிஷனர் ராஜகோபால் சுன்கரா மற்றும் பலர் கலந்து கொண்டனர்.

மேலும் படிக்க