March 21, 2016 
indiatimes.com
கடந்த ஆண்டு ஆகஸ்ட் மாதம், காவலர் ஒருவர் டெல்லி மெட்ரோ ரயிலில் போதையில் தடுமாறுவது போல ஒரு வீடியோ வெளியாகி சமூக வலைத்தளங்களில் வைரலாக பரவியது.
அந்த வீடியோவில் இருப்பது சலீம்(50) என்ற காவலர் ஆவார். அவர் தடுமாறி விழுவதை வீடியோ எடுத்த மக்கள் அவர் குடிபோதையில் ஒழுங்கற்ற முறையில் நடந்தார் என்று ஏளனம் செய்தனர். இதனால் அவர் மீது காவல்துறையினர் நடவடிக்கை எடுத்தனர்.
ஆனால் தான் மது அருந்தவில்லை எனவும் உடல்நலம் சரியில்லாத காரணத்தால் தான் அது போல நடந்தது எனவும் எத்தனை முறை கூறியும் அதை ஏற்க மறுத்த காவல்துறை அவரைப் பணியில் இருந்து பணியிடை நீக்கம் செய்யப்பட்டார்.
ஆனால் அவர் தொடுத்த வழக்கு மற்றும் காவல்துறையினர் நடத்திய விசாரணை ஆகியவற்றில் சம்பவம் நடந்த அன்று அவர் மது அருந்தவில்லை என்று உறுதியானது. இதையடுத்து அவரை மீண்டும் பணியில் சேர்த்துக்கொண்டனர்.
இதையடுத்து தற்போது சமூக வலைத்தளங்களில் வெளியாகும் வீடியோ மற்றும் புகைப்படங்கள் குறித்து தீவிர விசாரணை செய்த பிறகே அரசோ அல்லது மற்ற நிர்வாகமோ ஒருவர் மீது நடவடிக்கை எடுக்கவேண்டும் என்ற கோரிக்கை எழுந்துள்ளது.
இந்தச் சம்பவத்தை அடுத்து சமூக வலைத்தாலத்தின் மிகவும் மோசமான அவதூற்றின் காரணமாக தான் மிகவும் கஷ்டப்பட்டதாக உச்ச நீதி மன்றத்தில் சலீம் தெரிவித்துள்ளார்.
தற்போது, சரியான உண்மை சார்ந்த நிலையை வெளியிடுவதன் மூலம் இழந்த கண்ணியத்தை மீண்டும் பெற்றுக்கொள்ள உதவ வேண்டும் என்று டெல்லி அரசு, போலீஸ் கமிஷனர், தில்லி மெட்ரோ ரயில் மாநகராட்சி, மற்றும் இந்திய பிரஸ் கவுன்சில்லை கேட்டுக்கொண்டார். மேலும், நிரந்தரமாகத் தனது நற்பெயரைச் சேதப்படுத்திய காவல்துறை தனக்கு இழப்பீடு தரவேண்டும் எனவும் கோரியுள்ளார்.
இந்தக் காணொளி வைரலாக பரவி, சலீம் பணியில் இருந்து நீக்கப்பட்ட செய்தி செய்தித்தாளில் முன் பகுதியில் வெளியானது. அவர் மீண்டும் பணியில் சேர்த்துக்கொண்ட பிறகு அதைக் குறித்து ஒரு செய்தி நிறுவனமோ அல்லது தொலைக்காட்சியோ எந்தச் செய்தியும் வெளியிடவில்லை.
சமுதாயத்தின் பார்வையில் அவர் மது அருந்தி மெட்ரோவில் பயணம் செய்தார் என்றும் அவர் இன்றும் பணி நீக்கத்தில் இருக்கிறார் என்று தான் நினைத்துக்கொண்டு இருக்கின்றனர் என்று சலிமின் வக்கீல் வில்ஸ் மதேவ்ஸ் தெரிவித்தார்.
மேலும், இந்த நிகழ்ச்சிக்குப் பிறகு சலிமின் மனைவிக்குத் தீவிர மாரடைப்பு ஏற்பட்டது. கடந்த ஐந்து ஆண்டுகளாகப் பக்கவாதத்தால் அவதியுறும் அவருடைய தந்தை மேலும் அவதியுற்றார் என்று வில்ஸ் கூறினார்.
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
கோவை ஜி.கே.என்.எம். மருத்துவமனை சார்பாக செப்.28 ம் தேதி ‘ரன் ஃபார் லிட்டில் ஹார்ட்ஸ்’ மாராத்தான்
தென்னிந்திய சைவ,அசைவ உணவு வகைகளை வீட்டு சுவை மாறாமல் வழங்கும் அம்மணி மெஸ் கோவையில் துவக்கம்
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
For English News
