• Download mobile app
31 Aug 2025, SundayEdition - 3490
FLASH NEWS
  • ராகுல்காந்தியின் போராட்டத்திற்கு தோள் நிற்போம் – முதலமைச்சர் மு.க.ஸ்டாலின்
  • “ஜெயலலிதா அவர்களே என் ரோல் மாடல்” -பிரேமலதா விஜயகாந்த் பேட்டி
  • ராகுல் காந்தி கைது – தவெக தலைவர் விஜய் கண்டனம்
  • செத்து சாம்பல் ஆனாலும் தனித்துதான் போட்டி – சீமான்
  • பாகிஸ்தானின் அணு ஆயுத மிரட்டலுக்கு அஞ்சமாட்டோம் – இந்தியா
  • மத்திய ஆசிரியர் தகுதித் தேர்வு: பட்டதாரிகள் அக்.16 வரை விண்ணப்பிக்கலாம்

சபாநாயகர் மீது நம்பிக்கையில்லா தீர்மானம்

March 23, 2017 தண்டோரா குழு

தமிழக சட்டப்பேரவையில் சபாநாயகர் தனபால் மீது வியாழக்கிழமை நம்பிக்கையில்லா தீர்மானம் கொண்டுவரப்படுகிறது.

தமிழக முன்னாள் முதலமைச்சர் ஜெயலலிதாவின் மறைவுக்கு பிறகு முதலமைச்சராக ஒ.பன்னீர்செல்வம் தேர்வு செய்யப்பட்டார். அதன் பின் அவர் ராஜினாமா செய்ய எடப்பாடி பழனிசாமி தேர்ந்தெடுக்கப்பட்டார்.

பிப்ரவரி 18- ம் தேதி தமிழக சட்டபேரவையில் முதலமைச்சர் எடப்பாடி பழனிசாமி தலைமையிலான அரசு மீது நம்பிக்கை ஓட்டெடுப்பு நடந்தது. அப்போது ஓட்டெடுப்பை ரகசிய முறையில் நடத்த வேண்டும் என்று சட்டப்பேரவையில் ரகளை ஏற்பட்டது. இதன் காரணமாக தி.மு.க உறுப்பினர்கள் வலுக்கட்டாயமாக அவையில் இருந்து வெளியேற்றப்பட்டனர்.

அதன் பிறகு நடந்த நம்பிக்கை ஓட்டெடுப்பில் 122 உறுப்பினர்களின் ஆதரவுடன் எடப்பாடி பழனிசாமி அரசு வெற்றி பெற்றதாக அறிவிக்கப்பட்டது.

இதனையடுத்து சபாநாயகர் தனபால் ஒருதலை பட்சமாக செயல்படுவதாக தி.மு.க.,காங்கிரஸ்., உள்ளிட்ட எதிர்க்கட்சிகள் புகார் கூறினர். இதன் காரணமாக சபாநாயகர் தனபால் மீது நம்பிக்கையில்லா தீர்மானம் மற்றும் சபாநாயகரை நீக்க கோரும் கடிதத்தை, சட்டப்பேரவை எதிர்க்கட்சி தலைவர் மு.க.ஸ்டாலின் கடந்த 9-ம் தேதி சட்டப்பேரவையில் அளித்தார்.

இந்நிலையில், சபாநாயகர் தனபால் மீது, தி.மு.க. சார்பில் கொடுத்துள்ள நம்பிக்கையில்லா தீர்மானம் விவாதம் வியாழக்கிழமை எடுத்துக்கொள்ளப்படுகிறது. அதன் பின் ஓட்டெடுப்பு நடத்தப்படும்.

நம்பிக்கை ஓட்டெடுப்பின் போது, துணை சபாநாயகர் பொள்ளாச்சி ஜெயராமன், சபாநாயகர் இருக்கையில் அமர்ந்து சபையை நடத்துவார். சபாநாயகர் தனபால் கிழே அமர்ந்திருப்பார்.

மேலும் படிக்க