• Download mobile app
07 Feb 2023, TuesdayEdition - 2554
FLASH NEWS
  • அதிமுக பொதுக்குழு வழக்கு : உச்சநீதிமன்றத்தில் மேல் முறையீடு – ஓ.பி.எஸ் அறிவிப்பு
  • தமிழகத்தில் 10 முதல் 11 நாட்கள் வரை நிலக்கரி கையிருப்பில் உள்ளது-அமைச்சர் செந்தில் பாலாஜி
  • அக்னிபாத் திட்டத்தின்கீழ் இந்திய விமானப்படையில் சேர்வதற்கு ஜூன் 24ம் தேதி முதல் விண்ணப்பிக்கலாம்!
  • தமிழக நிதிநிலை அறிக்கை ஏமாற்றமே – தேமுதிக தலைவர் விஜயகாந்த்
  • 14.40 லட்சம் பேரின் நகைக்கடன்கள் தள்ளுபடி அதிரடி அறிவிப்பு
  • 12 டூ 18 வயசுக்கு இனி கோவாக்சின்.. அனுமதி கொடுத்தது மத்திய அரசு!
  • 3 வேளாண் சட்டங்களை ரத்து செய்யும் மசோதா மக்களவையில் நிறைவேற்றம்
  • “பாஜகவை விட வேளாண் சட்டங்களை பழனிசாமிதான் அதிகமாக ஆதரித்தார்!” – முதலமைச்சர் ஸ்டாலின்
  • ஏன் இந்தி மொழியை கற்க கூடாது? – உயர்நீதிமன்ற மதுரைக்கிளை நீதிபதிகள்
  • 3 வேளாண் சட்டங்களும் வாபஸ் – பிரதமர் மோடி அறிவிப்பு !

கோவை மாவட்டத்தில் 10,948 மகளிர் சுய உதவி குழுக்களுக்கு ரூ.1297.46 கோடி நிதியுதவி வழங்கல்

January 25, 2023 தண்டோரா குழு

கோவை மாவட்ட ஆட்சியர் சமீரன் தெரிவித்துள்ளதாவது:

கோவை மாவட்டத்தில் ஊரக பகுதிகளில் 6 ஆயிரத்து 255 மகளிர் சுய உதவிக்குழுக்களும், நகர பகுதிகளில் 5 ஆயிரத்து 225 மகளிர் சுய உதவிக்குழுக்களும் என மொத்தம் 11 ஆயிரத்து 480 மகளிர் சுய உதவிக்குழுக்கள் செயல்பட்டு வருகின்றது. இதில் கடந்த ஒன்றறை ஆண்டுகளில் ஊரக பகுதியில் 542 புதிய மகளிர் சுய உதவிக் குழுக்களும், 459 முதியோர் மற்றும் மாற்றுத்திறனாளிகளை கொண்டு சிறப்பு குழுக்களும் அமைக்கப்பட்டுள்ளது.

10 ஆயிரத்து 948 சுய உதவிக் குழுக்களுக்கு வங்கி கடன் இணைப்பு வழங்கப்பட்டுள்ளது. கூட்டுறவு வங்கிகளில் கடன் பெற்ற 2 ஆயிரத்து 60 சுய உதவி குழுக்களுக்கு ரூ.62.46 கோடி கடன் தள்ளுபடி செய்யப்பட்டுள்ளது. மகளிர் சுய உதவிக் குழுக்களுக்கு ரூ.1276.22 கோடி வங்கி கடன் தொகையும், 40 ஊராட்சி அளவிலான கூட்டமைப்புகளுக்கு ரூ.14 கோடி பெருங்கடனும், சமுதாய முதலீட்டு நிதியாக 146 சுய உதவிக் குழுக்களுக்கு ரூ.107.50 கோடியும் வழங்கப்பட்டுள்ளது.

147 முதியோர் மற்றும் மாற்றுத்திறனாளி சிறப்பு குழுக்களுக்கு சுழல் நிதியாக ரூ.22.05 லட்சமும், பண்ணை சார் வாழ்வாதார மேம்பாட்டின்கீழ் 187 விவசாய உற்பத்தியாளர் குழுக்கள் அமைக்கப்பட்டு ரூ.3.74 கோடி நிதியுதவியும் மற்றும் இயற்கை வேளாண் தொகுப்புகள், ஒருங்கிணைந்த பண்ணை தொகுப்புகள், விதை உற்பத்தி அலகுகள் அமைக்க ரூ.1.51 கோடி நிதியுதவியும் வழங்கப்பட்டுள்ளது.
மேலும் வேளாண் கருவி வங்கிகள் அமைக்கும் திட்டத்தின்கீழ் 83 ஊராட்சி அளவிலான கூட்டமைப்புகளுக்கு ரூ.58.10 லட்சம் நிதியுதவியும்,புறக்கடைகோழி வளர்ப்பு திட்டத்திற்காக 229 மகளிர்களுக்கு ரூ.20.61 லட்சம் நிதியுதவியும், அசோலா வளர்ப்பு திட்டத்திற்காக 229 மகளிர்களுக்கு ரூ.11.45 லட்சம் நிதியுதவியும், பண்ணை சாரா தொழில் நடவடிக்கைகளை மேம்படுத்துவதற்காக 450 மகளிர் சுய உதவிக்குழுக்களுக்கு ரூ.1.50 கோடி நிதியுதவியும், சிறிய அளவிலான 4 பண்ணை சாரா தொழில் தொகுப்புகளை உருவாக்க ரூ.10 லட்சம் நிதியுதவியும் என மொத்தம் 10 ஆயிரத்து 948 மகளிர் சுய உதவி குழுக்களுக்கு ரூ.1297.46 கோடி நிதி யுதவி வழங்கப்பட்டுள்ளது.

இவ்வாறு தெரிவித்துள்ளார்.

மேலும் படிக்க