• Download mobile app
05 Jul 2020, SundayEdition - 1607
FLASH NEWS
  • கொரோனா பாதித்தோருக்கு டெக்சாமெதாசோன்: மத்திய அரசு அனுமதி
  • கொரோனா சிகிச்சைக்கு விலை உயர்ந்த மருந்துகளை வாங்க முதல்வர் உத்தரவு!
  • கொரோனா வைரஸை கட்டுப்படுத்துவதில் மற்ற நாடுகளை விட இந்தியா சிறந்து விளங்குகிறது: பிரதமர் மோடி
  • தமிழகத்தில் கொரோனா உயிரிழப்பு 1000ஐ கடந்தது..!
  • கொரோனா எண்ணிக்கையை வைத்து அச்சப்பட வேண்டாம் : சுகாதாரத்துறை செயலர் ராதாகிருஷ்ணன்
  • தமிழகத்தில் கொரோனா பாதிப்பு 78 ஆயிரத்தை கடந்தது..!
  • சிறையில் தந்தை, மகன் உயிரிழந்த சம்பவத்தை கண்டித்து தமிழகத்தில் நாளை முழு கடையடைப்பு !
  • கொரோனா தடுப்பு நடவடிக்கை – மாவட்ட ஆட்சித் தலைவர்களுடன் முதலமைச்சர் நாளை ஆலோசனை!
  • நாளை மறுநாள் கோவையில் ஆய்வு நடத்துகிறார் முதல்வர் பழனிசாமி!
  • தமிழகத்தில் இதுவரை இல்லாத அளவாக இன்று ஒரே நாளில் 1685 பேருக்கு கொரோனா தொற்று உறுதி
  • ஜூன் 12ஆம் தேதி முதல் அரக்கோணம் – கோவை இடையே சிறப்பு ரயில் இயக்கம்
  • தமிழகத்தில் மொத்த கொரோனா பாதிப்பு 25 ஆயிரத்தை தாண்டியது
  • ஒரே தேசம், ஒரே சந்தை திட்டத்திற்கு மத்திய அமைச்சரவை அனுமதி
  • ஊரடங்கை 5வது முறையாக நீட்டிக்க மத்திய அரசு ஆலோசனை?
  • இந்தியாவில் கொரோனாவில் இருந்து குணமடைவோர் விகிதத்தில் தொடர்ந்து முன்னேற்றம் – சுகாதாரத்துறை
  • கடலூர் மத்திய சிறையில் 2 கைதிகளுக்கு கொரோனா !
  • இந்தியாவில் கொரோனா வைரஸால் பாதிக்கப்பட்டோர் எண்ணிக்கை 6,412ஆக உயர்வு
  • பிரிட்டன் பிரதமர் போரிஸ் ஜான்சன் உடல்நிலையில் முன்னேற்றம்!
  • ஏப்ரல் 14-க்குள் இரண்டரை லட்சம் பேருக்கு கொரோனா சோதனை செய்ய மத்திய அரசு இலக்கு
  • தமிழகத்தில் ஊரடங்கை மீறி வெளியே சுற்றிய 1,25,708 பேர் மீது வழக்குப்பதிவு!
  • தமிழகம் மற்றும் புதுச்சேரியில் அடுத்த 24 மணி நேரத்தில் மிதமான மழைக்கு வாய்ப்பு

கோவை மாநகர காவல் துறை மற்றும் நேரு கல்வி குழுமங்கள் சார்பில் காவல் வீர வணக்க நாள் நிகழ்ச்சி

October 16, 2019 தண்டோரா குழு

கோவை மாநகர காவல் துறை மற்றும் கோவை நேரு கல்வி குழுமங்கள் சார்பில் பொதுமக்களின் உயிர் காக்க தன் உயிர் நீத்த காவலர்களுக்கு வீர வணக்கம் செலுத்தும் நிகழ்ச்சி கோவை பாலக்காடு சாலையில் அமைந்துள்ள நேரு விமானவியல் கல்லூரி வளாகத்தில் நடைபெற்றது.

விழாவிற்கு சிறப்பு விருந்தினராக கோவை மாநகர காவல் துறையின் சட்டம் மற்றும் ஓழுங்கு உதவி ஆணையாளர் (தெற்கு) ஜெ. செட்ரிக் மானுவேல் கலந்து கொண்டார். விழாவிற்கு வந்திருந்தவர்களை நேரு கல்வி குழுமங்களின் மக்கள் தொடர்பு இயக்குனர் முரளிதரன் வரவேற்றார். விழாவிற்கு நேரு கல்வி குழுமங்களின் தலைமை செயல் அதிகாரியும் செயலாளருமான டாக்டர். பி. கிருஷ்ணகுமார் தலைமை வகித்து பேசியதாவது. தேசிய அளவில் அக்டோபர் 21 – ஆம் நாள் காவலர் வீர வணக்க நாளாக ஆண்டுதோறும் கடைபிடிக்கப்பட்டு வருகிறது. பணியின்போது உயிர்நீத்த காவலருக்கு மரியாதை செலுத்தும் வகையில் இந்த நாள் அனுசரிக்கப்படுகிறது. 1959ம் ஆண்டு அக்டோபர் 21ம் தேதியன்று லடாக் பகுதியில் ஹாட் ஸ்பிரிங் என்ற இடத்தில் சீன ராணுவத்தினர் மேற்கொண்ட திடீர் தாக்குதலில் மத்திய பாதுகாப்பு படை காவலர்கள் 10 பேர் உயிரிழந்தனர். இந்த சம்பவத்தை தொடர்ந்து இந்தியா முழுவதும் பல்வேறு சம்பவங்களில், பணியின்போது வீர மரணமடைந்த காவலர்களுக்கு அஞ்சலி செலுத்தும் விதமாக ஒவ்வொரு ஆண்டும் அக்டோபர் 21ம் தேதி ‘காவலர் வீரவணக்க நாள்’ அனுசரிக்கப்படுகிறது.

மக்களின் சேவையில் தன்னலம் கருதாமல் சிறப்பாகச் செயல்பட்டு, நாட்டுக்காக காவலர்கள் பாடுபட்டு வருகின்றனர். கொலை, கொள்ளை, வழிப்பறி என நடைபெறும் குற்றச்சம்பவங்களை தடுக்க போராடும்போது காவல்துறையினருக்கும் பாதிப்பு ஏற்படுகிறது. சில சமயங்களில் உயிரிழப்பும் நேரிடுகிறது. எனவே பணியின்போது மறைந்த காவல்துறையினருக்கு இன்று வீர வணக்க நாள் நமது நேரு கல்லூரியின் சார்பில் கடைபிடிக்கப்படுவது மிகவும் பெருமையாக உள்ளது. உயிர்நீத்த காவல் துறையினரின் குடும்பத்திற்கு எங்கள் கல்வி நிறுவனங்களின் சார்பில் ஆழ்ந்த இரங்களை தெரிவித்துக் கொள்கின்றோம். இவ்வாறு அவர் பேசினார்.

விழாவில் சிறப்பு விருந்தினராக கலந்து கொண்டு கோவை மாநகர காவல் துறையின் சட்டம் மற்றும் ஓழுங்கு துணை ஆணையாளர் செட்ரிக் மானுவேல் பேசுகையில்,

நாட்டு மக்களை காப்பாற்றுவதற்காக காவலர்கள் மிகவும் சிரமப்படுகிறார்கள். அவர்கள் தங்கள் குடும்பத்தினர், உடல் நலம் மற்றும் உணவு ஆகியவற்றை தியாகம் செய்து நம்மை பாதுகாக்கிறார்கள். நாம் ஒவ்வொரு வார விடுமுறையையும் பண்டிகை விடுமுறையையும் மகிழ்ச்சியுடன் நிறைவு செய்கிறோம். ஆனால் காவலர்கள் அந்த நாட்களில் இருமடங்கு பணிபுரிந்து மக்களை பாதுகாக்கிறார்கள். மக்களின் தேவைகளை அறிந்து அவர்களுக்கு பாதுகாப்பளிப்பது மற்றும் அவர்களின் பிரச்சனைகளை தீர்த்துவைப்பது போன்ற சவாலான வேலைகளை செய்யவேண்டியுள்ளது. பொது மக்கள் தங்களின் கோரிக்கையை நிறைவேற்ற சில நேரங்களில் சாலைமறியல் செய்வார்கள் அவர்களை சமாதனம் செய்து சாலை போக்குவரத்தை சீர் செய்யும் பணி மிகவும் கடினமானதாகும். மாணவ மாணவியர்கள் ஒவ்வொருவரும் குறைந்த பட்சம் 5 வருடமாவது மத்திய மாநில அரசின் பாதுகாப்பு துறை பணியில் பணியாற்ற வேண்டும். தமிழகத்தில் உள்ள மக்கள் தொகையானது சுமார் 7.21 கோடி ஆனால் காவல் துறையினரோ 1.2 லட்சம் மட்டுமே. இவர்களை வைத்துதான் 7.21 கோடி மக்களை காப்பாற்ற வேண்டியுள்ளது. இது எப்படி சாத்தியம் என்றால் 7.21 கோடி பேரில் 1 சதவீதம் பேர் தான் கிரிமினல்கள். இந்த கிரிமினல்களை கண்கானித்தாலே போதுமானது. கிரிமினல்களை தவிர்த்து மீதமுள்ள நல்ல குடிமக்களால் தான் சட்டம் ஒழுங்கு பாதுகாக்கப்படுகின்றது. பொது மக்கள் அரசுக்கும் காவல் துறைக்கும் தங்களது முழு ஒத்துழைப்பை வழங்க வேண்டும். ஒவ்வொரு வருடமும் அனைவரும் இதே போல் காவல் துறையில் உயிர் நீத்தவர்களுக்கு ஒரு நிமிட மவுன அஞ்சலி வேலுத்த வேண்டும். இவ்வாறு அவர் பேசினார்.

மேலும் விழாவில் நேரு கல்லூரி முதல்வர்கள், பேராசிரியர்கள், உதவி பேராசியரியர்கள், அலுவலர்கள் மற்றும் மாணவ மாணவியர்கள் கலந்து கொண்டு விழாவை சிறப்பித்தார்கள்.

மேலும் படிக்க