• Download mobile app
29 May 2020, FridayEdition - 1570
FLASH NEWS
  • ஊரடங்கை 5வது முறையாக நீட்டிக்க மத்திய அரசு ஆலோசனை?
  • இந்தியாவில் கொரோனாவில் இருந்து குணமடைவோர் விகிதத்தில் தொடர்ந்து முன்னேற்றம் – சுகாதாரத்துறை
  • கடலூர் மத்திய சிறையில் 2 கைதிகளுக்கு கொரோனா !
  • இந்தியாவில் கொரோனா வைரஸால் பாதிக்கப்பட்டோர் எண்ணிக்கை 6,412ஆக உயர்வு
  • பிரிட்டன் பிரதமர் போரிஸ் ஜான்சன் உடல்நிலையில் முன்னேற்றம்!
  • ஏப்ரல் 14-க்குள் இரண்டரை லட்சம் பேருக்கு கொரோனா சோதனை செய்ய மத்திய அரசு இலக்கு
  • தமிழகத்தில் ஊரடங்கை மீறி வெளியே சுற்றிய 1,25,708 பேர் மீது வழக்குப்பதிவு!
  • தமிழகம் மற்றும் புதுச்சேரியில் அடுத்த 24 மணி நேரத்தில் மிதமான மழைக்கு வாய்ப்பு

கோவையில் வீட்டில் வைத்து மது விற்ற பெண் கைது

May 21, 2020

கோவை வெள்ளலூர் அருகே வீட்டில் வைத்து மது பாட்டில் விற்ற பெண்ணை கண்டித்து அப்பகுதி பெண்கள் வீட்டை முற்றுகையிட்ட நிலையில், மது விற்பனை செய்த பெண்ணை போத்தனூர் போலீஸார் கைது செய்தனர்.

கோவை வெள்ளலூர் எம்.ஜி.ஆர் நகர் பகுதியை சேர்ந்த மாசிலாமணி என்ற பெண் தனது கணவர், மாமியாருடன் சேர்ந்த வீட்டில் மது பாட்டில்கள் விற்பனை செய்வதாகக் கூறி அப்பகுதி பெண்கள் மாசிலாமணியின் வீட்டை முற்றுகையிட்டு கோசங்களை எழுப்பியதால் பரபரப்பு ஏற்பட்டது. தகவலறிந்து சம்பவ இடத்திற்கு வந்த போத்தனூர் போலீஸார் மாசிலாமணியை கைது செய்து அழைத்து சென்றனர்.

இந்நிலையில் மாசிலாமணியின் மாமியாரை சுற்றிவளைத்து பெண்கள் வாக்குவாதத்தில் ஈடுபட்டனர். இது குறித்து அப்பகுதி பெண்கள் கூறும் போது கொரோனா ஊரடங்கு நேரத்தில் 24 மணி நேரமும் மாசிலாமணி வீட்டில் மது விற்பனை செய்ததாகவும் இதனால் எப்போது ஆண்கள் இப்பகுதியில் குடிபோதையில் சாலையில் சுற்றியதாகவும் தெரிவித்தார். மேலும் தற்போது டாஸ்மாக் கடைகள் திறந்த நிலையில் இரவில் இருந்து காலை வரை இங்கு மது விற்பனை நடந்து வருவதாக கூறினார்.

மேலும் போலீஸிடம் பல முறை புகார் அளித்தும் எந்த நடவடிக்கையும் இல்லை, கைது செய்து மீண்டும் விடுவார்கள், அவர்கள் தொடர்ந்து மது விற்பனை செய்வதால் எங்கள் வீட்டு ஆண்கள் குடிவித்து தகராறு செய்வதாகவும், வெள்ளலூர் மட்டுமின்றி போத்தனூர், குனியமுத்தூர், ஆத்துப்பாலம் உள்ளிட்ட பல்வேறு பகுதிகளை சேர்ந்தவர்கள் மது வாங்கி அதே பகுதியில் அமர்ந்து குடிப்பதாகவும் தெரிவித்தனர்.

மேலும் படிக்க