• Download mobile app
03 Aug 2021, TuesdayEdition - 2001
FLASH NEWS
  • பள்ளிகளை திறப்பது குறித்து மாநில அரசுகளே முடிவெடுத்துக்கொள்ள மத்திய சுகாதாரத்துறை அறிவுறுத்தல்!
  • ரூ.1 லட்சம் அபராதத்தை நிவாரண நிதியாக தர விருப்பமில்லை: நடிகர் விஜய் தரப்பில் விளக்கம்
  • பெகாஸஸ் உளவு மென்பொருளை இந்திய அரசு வாங்கியதா, இல்லையா? – ராகுல் காந்தி
  • தமிழ்நாட்டில் +2 பொதுத்தேர்வுகள் ரத்து செய்யப்படுவதாக முதல்வர் மு.க.ஸ்டாலின் அறிவிப்பு
  • திருநங்கைகளுக்கு ரூ.1,500 உதவித்தொகை: மத்திய அரசு அறிவிப்பு
  • ரஷ்யாவின் ‘Sputnik V’ தடுப்பூசிக்கு மத்திய அரசு ஒப்புதல் அளித்தது !
  • நடிகர் ரஜினிக்கு தாதாசாகேப் பால்கே விருது அறிவிப்பு
  • அரசு ஊழியர்கள் ஓய்வு பெறும் வயது 60 ஆக உயர்த்தி தமிழக அரசு அறிவிப்பு!
  • 2021 ஆண்டில் 9, 10, 11ஆம் வகுப்பு மாணவ-மாணவிகள் பொதுத்தேர்வு இன்றி தேர்ச்சி – முதலமைச்சர்
  • “அடக்குமுறைகளுக்கு அடிபணியமாட்டேன்” – சசிகலா

கோவையில் பொங்கல் பொருட்கள் விற்பனை ஜோர் – ஒரு ஜோடி கரும்பு ரூ.100, ஒரு கிலோ மல்லிகைப்பூ ரூ.2000

January 13, 2021 தண்டோரா குழு

கோவையில் உள்ள மார்க்கெட்டுகளில் பொங்கல் பொருட்கள் விற்பனை களைகட்டியது. மக்கள் உற்சாகமாக பொருட்களை வாங்கிச்சென்றனர்.

தமிழர் திருநாளான பொங்கல் பண்டிகை நாளை கொண்டாடப் படுகிறது. இதையொட்டி பொங்கல் பண்டிகைக்கு தேவையான பொருட்களை வாங்குவதற்காக கோவையில் உள்ள பூ மார்க்கெட், எம்.ஜி.ஆர். மார்க்கெட், உக்கடம் மார்க்கெட், தியாகி குமரன் மார்க்கெட் உள்ளிட்ட மார்க்கெட்டுகளில் பொதுமக்கள் மிகவும் உற்சாகத்துடன் வந்து பொருட்களை வாங்கி சென்றனர். இதனால் கரும்பு, மஞ்சள் குலை, வாழைத்தார், பூக்கள் உள்ளிட்டவை விற்பனை ஜோராக நடைபெற்றது.

கோவையில் உள்ள தற்காலிக பூ மார்க்கெட்டுக்கு சேலம் மாவட்டம் மேட்டூர், எடப்பாடி உள்ளிட்ட பகுதிகளில் இருந்து கரும்பு கட்டுகள் டன் கணக்கில் கொண்டுவரப்பட்டு குவித்து வைக்கப்பட்டிருந்தன. 12 கரும்புகள் கொண்ட ஒரு கட்டு ரூ.450 முதல் ரூ.500 வரை விற்பனை செய்யப்படுகிறது. சில்லறை விலையில் ஒரு ஜோடி கரும்பு ரூ. 100-க்கு விற்கப்படுகிறது. இதே போல மஞ்சள் கொத்து ஜோடி ரூ.40 முதல் ரூ.50 வரையிலும், ஒரு கட்டு ஆவாரம்பூ மற்றும் பூளைப்பூ தலா ரூ.10-க்கும் விற்பனை செய்யப்பட்டது.

பொங்கல் பண்டிகையையொட்டி பூக்களின் தேவை அதிகளவு இருப்பதால் கோவை பூமார்க்கெட்டில் ஒரு கிலோ மல்லிகைப்பூ ரூ.2 ஆயிரத்துக்கும், முல்லை பூ ரூ.1,800-க்கும், ஜாதி மல்லி ரூ.1,500-க்கும் விற்பனை செய்யப்பட்டது. செவ்வந்தி கிலோ ரூ.160, செண்டுமல்லி ரூ.60, துளசி ரூ.30, சம்பங்கி ரூ.140, அரளி ரூ.160, கோழிக்கொண்டை ரூ.80 ஆகிய விலைகளில் விற்பனை செய்யப்பட்டது. மேலும் பட்டன் ரோஜா கிலோ ரூ.240 மற்றும் மா இலை ஒரு கட்டு ரூ.10 என விற்பனை செய்யப்பட்டது.

கோவை மார்க்கெட்டுகளில் காய்கறிகளின் விற்பனையும் களை கட்டியது. இதனால்
கத்தரிக்காய் ரூ.40, தக்காளி ரூ.15 முதல் ரூ.20, பச்சைமிளகாய் -ரூ.30, வெண்டைக்காய் ரூ.30, அவரைக்காய் ரூ.30, உருளைக்கிழங்கு ரூ.20 முதல் ரூ.30, முட்டைகோஸ் ரூ.15, சேனைக்கிழங்கு ரூ.15 முதல் ரூ.20, சிறுகிழங்கு ரூ.40, பீன்ஸ் ரூ.50, பூசணிக்காய்- ரூ.8, முருங்கைக்காய் ரூ.120, கேரட் ரூ.30, பீட்ரூட் ரூ.20, சவ்சவ் ரூ.25, கருணைக்கிழங்கு ரூ.40, சேம்பு ரூ.50, சீனிக்கிழங்கு ரூ.25, தடியங்காய் ரூ.10, பூசணிக்காய் ரூ.15, சிறியவெங்காயம் ரூ.50 முதல் ரூ.60, பெரிய வெங்காயம் ரூ.40-க்கு விற்பனை செய்யப்பட்டன. அதே போல் பொங்கல் பானை ரூ.60 முதல் ரூ.500 வரை அரிசி படியின் அளவிற்கு ஏற்றார் போல் விற்பனை செய்யப்பட்டன.

மேலும் படிக்க