• Download mobile app
02 Oct 2022, SundayEdition - 2426
FLASH NEWS
  • அதிமுக பொதுக்குழு வழக்கு : உச்சநீதிமன்றத்தில் மேல் முறையீடு – ஓ.பி.எஸ் அறிவிப்பு
  • தமிழகத்தில் 10 முதல் 11 நாட்கள் வரை நிலக்கரி கையிருப்பில் உள்ளது-அமைச்சர் செந்தில் பாலாஜி
  • அக்னிபாத் திட்டத்தின்கீழ் இந்திய விமானப்படையில் சேர்வதற்கு ஜூன் 24ம் தேதி முதல் விண்ணப்பிக்கலாம்!
  • தமிழக நிதிநிலை அறிக்கை ஏமாற்றமே – தேமுதிக தலைவர் விஜயகாந்த்
  • 14.40 லட்சம் பேரின் நகைக்கடன்கள் தள்ளுபடி அதிரடி அறிவிப்பு
  • 12 டூ 18 வயசுக்கு இனி கோவாக்சின்.. அனுமதி கொடுத்தது மத்திய அரசு!
  • 3 வேளாண் சட்டங்களை ரத்து செய்யும் மசோதா மக்களவையில் நிறைவேற்றம்
  • “பாஜகவை விட வேளாண் சட்டங்களை பழனிசாமிதான் அதிகமாக ஆதரித்தார்!” – முதலமைச்சர் ஸ்டாலின்
  • ஏன் இந்தி மொழியை கற்க கூடாது? – உயர்நீதிமன்ற மதுரைக்கிளை நீதிபதிகள்
  • 3 வேளாண் சட்டங்களும் வாபஸ் – பிரதமர் மோடி அறிவிப்பு !

கொரோனா தடுப்பூசி முன்பதிவு சிறந்த வலைத்தளத்தை உருவாக்க மாநகராட்சி அழைப்பு

July 19, 2021 தண்டோரா குழு

கோவை மாநகராட்சியில் கொரோனா தடுப்பூசி தொடர்பான தகவல்களை பெற மற்றும் தடுப்பூசி போட்டுக்கொள்ள முன்பதிவு செய்ய சிறந்த வலைத்தளத்தை உருவாக்க அழைப்பு விடுக்கப்பட்டுள்ளது.

கோவை மாநகராட்சி பகுதிகளில் பல்வேறு மையங்களில் கொரோனா தடுப்பூசி போடும் பணிகள் நடைபெற்று வருகிறது. இதனிடையே தடுப்பூசி தட்டுப்பாடு காரணமாக சில நாட்கள் தடுப்பூசி போடும் பணிகள் நிறுத்தி வைக்கப்படுகிறது.ஆனால் தடுப்பூசி போடுக்கொள்வதில் மக்கள் ஆர்வமுடன் இருப்பதால் அனைத்து மையங்களிலும் இரவு முதலே காத்து இருந்து தடுப்பூசி போட்டுக்கொள்கின்றனர்.

தடுப்பூசி தொடர்பாக தகவல்கள் பெற மக்கள் அலைமோதுகின்றனர்.இதனை தடுக்க மாநகராட்சி சார்பாக டோக்கன் விநியோகம் செய்யப்பட்டு தடுப்பூசி போடப்பட்டு வருகிறது.
இருப்பினும் மக்கள் அதிக அளவில் கூடுவதால் கொரோனா தொற்று பரவ வாய்ப்புள்ளது. இதனை தடுக்க மாநகராட்சி நிர்வாகம் சார்பாக சிறந்த வலைத்தளத்தை உருவாக்க அழைப்பு விடுக்கப்பட்டுள்ளது.

இதுகுறித்து மாநகராட்சி அதிகாரி ஒருவர் கூறியதாவது:

மாநகராட்சி சார்பாக கொரோனா தடுப்பூசி தொடர்பான அனைத்து தகவல்கள் பெறுவதற்கும், தடுப்பூசி போட்டுக்கொள்ள எளிய முறையில் முன்பதிவு செய்வதிற்கும், தடுப்பூசி செலுத்தியவர்களின் தரவுகளை சேகரிக்கவும் என அனைத்து தரவுகளும், பணிகளும் நடைபெற சிறந்த வலைத்தளத்தை உருவாக்க அழைப்பு விடுக்கப்பட்டுள்ளது.

இதற்காக தகுதி வாய்ந்தவர்கள் மாநகராட்சி நிர்வாகத்தை அனுகி தகவல்களை பெறலாம். மேலும் சிறந்த வலைத்தளத்தை உருவாக்குபவர்களுக்கு ரூ.2 லட்சம் வரை பரிசு தொகையும் அளிக்க பரிசீலனை செய்யப்பட்டு வருகிறது.

இவ்வாறு அவர் கூறினார்.

மேலும் படிக்க