May 11, 2024 
தண்டோரா குழு
கோவையை தலைமையிடமாக கொண்டு செயல்படும் கீரைக்கடை.காம், கீரை வகைகளை புது வடிவில் ஆரோக்கியம் குறையாமல் சூப், பிஸ்கட் போன்ற பல்வேறு வகை உணவுப் பொருட்களாக மக்களிடத்தில் கொண்டு சேர்ப்பதில் பெயர் பெற்றது.
இன்று இந்நிறுவனம் அதன் புதிய தயாரிப்பான ‘ஹெர்பல் டீ ட்விஸ்ட்’ எனும் தயாரிப்பை அறிமுகம் செய்தது. இந்த புதிய தயாரிப்பை விஜய் டிவி புகழ் ‘ஈரோடு’ மகேஷ் அறிமுகம் செய்து வைத்தார்.
இந்த புது தயாரிப்பு குறித்து கீரைக்கடை.காமின் நிறுவனர் மற்றும் தலைமை செயல் அதிகாரி ஸ்ரீராம் கூறுகையில்:-
கீரைக்கடை .காம் அதன் தொடக்கத்தில் இருந்து, கீரைகள் மற்றும் இயற்கை சார்ந்த தயாரிப்புகளுக்கான ஆரோக்கிய உணவு சந்தையில் முன்னணியில் உள்ளது, குறிப்பாக அதன் டிப் சூப்-உலகின் முதல் டிப் டர்ன் சூப்பிற்கு பெயர் பெற்றது. இன்றைய மக்களின் வேகமான வாழ்க்கை முறைக்கு ஏற்ப, ஆரோக்கியத்தில் சமரசம் செய்யாமல், அவர்களின் தேவைக்கேற்ப அதே சமயம் கீரையின் இயற்கை தன்மை மாறாமல் எந்த ஒரு வேதிப்பொருட்களும் சேர்க்காமல் கீரையினை மக்களிடையே கொண்டு சேர்ப்பதில் கீரைக்கடையின் அர்ப்பணிப்பை இந்த தயாரிப்பு மேலும் ஒரு எடுத்துக்காட்டாகும்.
அன்றாட வாழ்க்கை முறையில் மக்களின் உடல் ஆரோக்கியத்தை பேணுவது இன்றியமையாதது ஆகும். மூலிகை தேநீரின் நிரூபிக்கப்பட்ட நன்மைகளுக்கு பதிலளிக்கும் விதமாக, கீரைக்கடை .காம் ஹெர்பல் டீ ட்விஸ்ட் ( HerbalTeaTwist.com ) உடன் மூலிகை பூ டீ சந்தையில் அறிமுகப்படுத்தியுள்ளோம்.
செம்பருத்தி, சாமந்தி பூ மற்றும் சங்கு பூ ஆகியவற்றை கொண்டு உருவாக்கப்பட்ட டீ இதழ்களை சூடான பானமாக அல்லது குளிர் பானமாக உட்கொள்ளலாம். இந்த டீ-கள் ஒவ்வொன்றும் அவற்றின் தனித்துவமான பண்புகளுக்காக தேர்ந்தெடுக்கப்பட்டுள்ளன, அவை பல்வேறு வழிகளில் உடலுக்கு ஆரோக்கியத்தை அளிக்கிறது. தூக்கத்தை மேம்படுத்துவது மற்றும் மன அழுத்தத்தைக் குறைப்பது முதல் நோய் எதிர்ப்பு சக்தியை அதிகரிப்பது மற்றும் உடல் எடை குறைப்புக்கு உதவுகிறது.
சமீப காலமாக மூலிகை தேநீர் சந்தையானது மக்களிடையே ஆர்வத்தை கணிசமான உயர்வைக் கண்டுள்ளது, இது இயற்கையான சுகாதாரப் பொருட்கள் பற்றிய விழிப்புணர்வு மற்றும் ஆரோக்கியம் சார்ந்த வாழ்க்கை முறைகளை நோக்கிய மாற்றத்தால் எது சாத்தியமாகியுள்ளது. HerbalTeaTwist.com இதை பூர்த்தி செய்யும் வகையில் அமைந்துள்ளது. ஆரோக்கியத்தை மையமாகக் கொண்ட தேநீர் வகைகளை வழங்குகிறது. உயர்தர பூ மொட்டுகளில் இருந்து வடிவமைக்கப்பட்டுள்ளது, ஒவ்வொரு கோப்பையும் விதிவிலக்கான சுவை மட்டுமல்ல, அதிகபட்ச ஆரோக்கிய நன்மைகளையும் வழங்குவதை உறுதி செய்கிறது.
சாமந்தி பூ (கெமோமில்) தேநீர், சங்கு பூ (ப்ளூ பீ டீ) செம்பருத்தி பூ என மூன்று வகையான தேநீர்களை அறிமுகம் செய்துள்ளோம் , என்றார்.
மத்திய பட்ஜெட்டிற்கு தேசிய பங்குச் சந்தை நிர்வாக இயக்குனர் மற்றும் தலைமை செயல் அதிகாரி ஆஷிஷ்குமார் சௌகான் பாராட்டு
காகிதத்துறையில் டிஜிட்டல் தொழில்நுட்ப மேம்பாடு அவசியம்- கோவையில் இரண்டு நாள் சர்வதேச மாநாடு
ஈஷா மண் காப்போம் சார்பில் ஜூலை 28-ஆம் தேதி பாரத பாரம்பரிய நெல் மற்றும் உணவுத் திருவிழா
கோவையில் யமகா டிராக் டே நிகழ்ச்சி: ஏராளமான ரசிகர்கள் உற்சாகத்துடன் பார்த்து ரசித்தனர்
கோவையில் குளோபல் ஆர்ட் சார்பில் மாநில அளவிலான ஓவிய போட்டி – 450 பள்ளி குழந்தைகள் பங்கேற்பு
எடமனச்சேரி முதுகெலும்பு ஆயுர்வேத மருத்துவமனையில் பொதுமக்களுக்கு இலவச மருத்துவ பரிசோதனை முகாம்
For English News
