• Download mobile app
07 Dec 2021, TuesdayEdition - 2127
FLASH NEWS
  • 3 வேளாண் சட்டங்களை ரத்து செய்யும் மசோதா மக்களவையில் நிறைவேற்றம்
  • “பாஜகவை விட வேளாண் சட்டங்களை பழனிசாமிதான் அதிகமாக ஆதரித்தார்!” – முதலமைச்சர் ஸ்டாலின்
  • ஏன் இந்தி மொழியை கற்க கூடாது? – உயர்நீதிமன்ற மதுரைக்கிளை நீதிபதிகள்
  • 3 வேளாண் சட்டங்களும் வாபஸ் – பிரதமர் மோடி அறிவிப்பு !

கணவன், மனைவிக்கு இடையே தகராறு இளம்பெண் தூக்குபோட்டு தற்கொலை – ஆர்.டி.ஓ விசாரணை

November 25, 2021 தண்டோரா குழு

கோவை பாப்பநாயக்கன் பாளையம் அம்மன்குளம் பகுதியை சேர்ந்தவர் வெங்கடேசன் (வயது 32). இவரது மனைவி கிருபா (27). இவர்களுக்கு கடந்த 6 வருடங்களுக்கு முன்பு திருமணமாகி 2 மகள்கள் உள்ளனர்.

இந்நிலையில் கணவன், மனைவிக்கு இடையே அடிக்கடி தகராறு ஏற்பட்டு வந்தது. பின்னர் அவர்களே சமாதானம் அடைந்து கொள்வார்கள். வெங்கடேஷ் தனக்கு கிடைத்போனஸ் பணத்தை வீட்டிற்கு தராமல் அனைத்தையும் செலவு செய்து விட்டதாகத் தெரிகிறது.

இதனால் மீண்டும் கணவன், மனைவிக்கு இடையே தகராறு ஏற்பட்டது. இதனை தெரிந்து கொண்ட கிருபாவின் தாயார் அவரது வீட்டுக்கு வந்து சிறிது நாட்கள் தங்குமாறு கூறினார். ஆனால் கிருபா எனது வீட்டை விட்டு எங்கு வரமாட்டேன் என மறுத்துவிட்டார்.

இந்நிலையில் அவர் கடந்த சில நாட்களாக மனவேதனையுடன் இருந்து வந்தார். சம்பவத்தன்று விரக்தியடைந்த அவர் வீட்டில் திடீரென தூக்குபோட்டு கொண்டார். இதனைகண்டு அதிர்ச்சி அடைந்த குடும்பத்தினர் அவரை மீட்டு கோவை அரசு ஆஸ்பத்திரியில் சிகிச்சைக்கு சேர்த்தனர்.ஆனால் அங்கு அவர் சிகிச்சை பலனின்றி பரிதாபமாக இறந்தார்.

இதுகுறித்து ரேஸ்கோர்ஸ் போலீசார் வழக்கு பதிவு செய்து விசாரணை நடத்தி வருகின்றனர். மேலும் திருமணமாகி 6 வருடங்களே ஆவதால் ஆர்.டி.ஓ விசாரணை நடத்தி வருகின்றனர்.

மேலும் படிக்க