November 29, 2018 
தண்டோரா குழு
கமல்ஹாசனிடம் உதவி இயக்குநராக பணியாற்றி கமல்ஹாசனின் ‘தூங்கா வனம்’ படத்தின் மூலம் தமிழ் சினிமாவில் இயக்குநராக அறிமுகமானவர் ராஜேஷ்.எம்.செல்வா.
இப்படத்தை தொடர்ந்து ராஜேஷ்.எம்.செல்வா இயக்கத்தில் ‘டிரைடென்ட் ஆர்ட்ஸ்’ நிறுவனம் மற்றும் கமல்ஹாசனின் சொந்த தயாரிப்பு நிறுவனமான ‘ராஜ்கமல் ஃபிலிம்ஸ் இன்டர்நேஷனல்’ இணைந்து தயாரிக்கும் படம் ‘கடாரம் கொண்டான்’.விக்ரம் ஹீரோவாக நடிக்கும் இப்படத்தில் முக்கிய வேடங்களில் அக்ஷரா ஹாசன், அபி மெஹ்தி ஹாசன் நடிக்கின்றனர்.ஜிப்ரான் இசையமைக்கும் இப்படத்தின் ஃபர்ஸ்ட் லுக் மற்றும் மோஷன் போஸ்டர் வெளியிடப்பட்டது.இது ரசிகர்கள் மத்தியில் நல்ல வரவேற்பை பெற்றது.
இதற்கிடையில்,அண்மையில் துவங்கிய இப்படத்தின் படப்பிடிப்பு மலேசியாவில் பரபரப்பாக நடைபெற்று வந்தது.இந்நிலையில்,தற்போது இந்த ஷெடியூல் வெற்றிகரமாக நிறைவு பெற்றதாக தகவல் வெளியாகியுள்ளது.
For English News
