September 11, 2019 
தண்டோரா குழு
தமிழ் சினிமாவில் இசையமைப்பாளராக இருந்து ஹீரோவாக அறிமுகமானவர் ஜீவி பிரகாஷ் குமார். கடந்த வாரம் இவரது நடிப்பில் உருவான சிவப்பு மஞ்சள் பச்சை என்ற படம் வெளியானது. இப்படம் விமர்சன ரீதியாகவும், வசூல் ரீதியாகவும் நல்ல வரவேற்பை பெற்றது.
இப்படத்தைத் தொடர்ந்து அறிமுக இயக்குனர் சதீஷ் செல்வகுமார் இயக்கத்தில் ஜிவி பிரகாஷ் தனது புதிய படத்தில் நடிக்க இருக்கிறார். இப்படத்தில் இவருக்கு ஜோடியாக நடிக்க, கோயம்புத்தூரைச் சேர்ந்த பிரபல மாடல் திவ்யபாரதி நடிக்க ஒப்பந்தம் செய்யப்பட்டுள்ளார்.
ஆக்ஷன் பிலிம் பேக்டரி நிறுவனம் தயாரிக்கும் இப்படத்திற்கு பேச்சுலர் என பெயரிடப்பட்டுள்ளது. இந்நிலையில், இப்படத்தின் பர்ஸ்ட் லுக் போஸ்டரை இந்திய கிரிக்கெட் அணியின் சுழற்பந்து வீச்சாளர் ஹர்பஜன் சிங் வெளியிட்டார்.
ஹர்பஜன் சிங் தனது டுவிட்டர் பக்கத்தில்,
கல்யாணம் ஆனா கம்முனு இருக்கனும்…கமிட் ஆனா உம்முனு இருக்கனும்.. Bachelorனா ஜம்முனு இருக்கலாம்… ! #Bachelor First Look வெளியிடுவதில் பெரு மகிழ்ச்சி அடைகின்றேன் வாழ்த்துக்கள்! என பதிவிட்டுள்ளார்.
For English News
