December 18, 2025 
தண்டோரா குழு
கார் ரேஸில் வெற்றி பெற்ற நடிகர் அஜித்குமாருக்கும், அரசியல் களத்தில் செயல்படும் நடிகர் விஜய்க்கும் வாழ்த்து தெரிவிப்பதாக கூறியுள்ள நடிகர் அருண் விஜய்,தவெக தலைவர் விஜயை ஃபாலோ செய்வதாகவும் குறிப்பிட்டுள்ளார்.
கிறிஸ்துமஸ் பண்டிகை அன்று வெளியாக உள்ள ‘ரெட்ட தல’ திரைப்படத்தில் கதாநாயகனாக அருண் விஜய், கதாநாயகியாக சித்தி இத்னானி மற்றும் தன்யா ரவிச்சந்திரன், ஹரீஷ் பெரடி, யோகேஷ் சாமி, ஜான் விஜய் உள்ளிட்டோர் நடித்துள்ளனர். கிரிஷ் திருக்குமரன் இயக்கத்தில், சாம்.சி.எஸ் இசையமைத்துள்ள இந்த படத்தை பிடிஜி யூனிவர்சல் சார்பில் பாபி பாலச்சந்திரன் தயாரித்துள்ளார்.
இந்த நிலையில் நடிகர் அருண் விஜய், சித்தி இத்னானி மற்றும் ஜான் விஜய் ஆகியோர் கோவையிலுள்ள தனியார் நட்சத்திர விடுதியில் செய்தியாளர்களை சந்தித்தனர்.
முன்னதாக பேசிய அருண் விஜய் ,
இந்த படத்தின் கதை தன்னை மிகவும் கவர்ந்ததாகவும், சவாலான கதாபாத்திரமாக இருந்ததால் இதில் நடிக்க முடிவு செய்ததாகவும் கூறினார். படத்தின் முக்கிய தூணாக எடிட்டர் ஆண்டனி இருந்ததாகவும், படம் வேகமாகவும் துல்லியமாகவும் உருவாக காரணமாக இருந்தார் என்றும் பாராட்டினார். நடிகை சித்தி இத்னானி முழு உழைப்பை கொடுத்துள்ளதாகவும், அதிக ஆக்ஷன் காட்சிகள் நிறைந்த இந்த படம் சிறப்பாக வந்துள்ளதாகவும்
தெரிவித்தார்.
மேலும் சண்டைக் காட்சிகள் சிறப்பாக வந்துள்ளதாகவும் அதில் ரிஸ்க் எடுத்து நடித்துள்ளதாகவும் கூறிய அவர், படத்தின் கிளைமாக்ஸ் காட்சியில் அதிக சிரத்தை எடுத்துள்ளதாகவும் குறிப்பிட்டார். தொடர்ந்து நடிகர் அஜித்குமார் கார் ரேசிற்கு சென்று விட்டது குறித்தும் நடிகர் விஜய் அரசியலுக்கு சென்று விட்டது குறித்தும் செய்தியாளர்கள் கேள்வி எழுப்பவே பேஷன் (Passion) விஷயத்தில் நடிகர் அஜித்தை பின்பற்றுவதாகவும், அரசியல் (Political) செயல்பாடுகளில் நடிகர் விஜயை பின்பற்றுவதாகவும் இருவருக்கும் வாழ்த்து தெரிவிப்பதாகவும் இருவருமே தனக்கு ஊக்கமாக இருப்பதாகவும் மகிழ்ச்சி தெரிவித்தார்.
பின்னர் பேசிய நடிகை சித்தி இத்னானி,
இந்த கதையில் நடித்தது மகிழ்ச்சி அளிப்பதாகவும், தன்னுடன் நடித்த அனைத்து சக கலைஞர்களுக்கும் நன்றியை தெரிவித்தார். அதிக ஆக்ஷன் காட்சிகள் நிறைந்த, ஹாலிவுட் தரத்தில் உருவான இந்த படம், இந்த கிறிஸ்மஸ் அன்று ரசிகர்களுக்கும் பொதுமக்களுக்கும் ‘இரட்டை தல கிறிஸ்மஸ்’ ஆக இருக்கும் என தெரிவித்தார்.
இதையடுத்து பேசிய நடிகர் ஜான் விஜய்,
நிறைய போலீஸ் வேடத்தில் நடித்துள்ளேன் ஆனால் இந்த படத்தில் போலீஸ் கேரக்டரில் சிறப்பாக நடித்துள்ளேன் என்றும் கடின உழைப்புக்கு ஒரு பிராண்ட் அம்பாசிடர் வேண்டுமென்று நினைத்தால் அது அருண் விஜய் தான் என்றும் பெருமிதம் கொண்டார். வழக்கமாக ஹீரோதான் ஹீரோயினை சைட் அடிப்பார்கள் ஆனால் இந்த படத்தில் நடித்துள்ள அழகான இந்த ஹீரோயினை நானும் சைட் அடித்துள்ளேன் என்றும் நகைச்சுவையுடன் கூறினார்.
7 இருக்கைகள் கொண்ட புதிய கார் ‘கிராவிட்’: இந்தியாவில் நிசான் விரைவில் அறிமுகம்
நாயன்மார்கள் வழியில் மக்களை ஆன்மீக நெறிக்கு அழைக்கும் ஆதியோகி ரதங்கள் ஆதியோகி ரத யாத்திரையை தொடங்கி வைத்து பேரூர் ஆதீனம் அருளுரை
ஐசிசி மகளிர் உலகக் கோப்பையை வென்ற இந்திய அணிக்கு டாடா குழுமம் பாராட்டு, கார் பரிசு
கோவையில் இளம் படைப்பாளிகள் 5 பேருக்கு விஷ்ணுபுரம்-ரமேஷ் பிரேதன் நினைவு விருது வழங்கப்படுகிறது
செயற்கை நுண்ணறிவு – இயந்திர கற்றல் மூலம் இந்தியாவின் மின் வினியோகத் துறையை மேம்படுத்தும் அப்ராவா எனர்ஜி நிறுவனத்திற்கு மத்திய அரசு விருது
வெறும் ரூ.14,990 முதல்! ஸ்மார்ட்ஃபோன்கள் முதல் ஸ்மார்ட் டிவிகள் வரை க்ரோமாவின் ‘க்ரோம்டாஸ்டிக் டிசம்பர்’ சலுகைகள் அறிவிப்பு
For English News
