April 3, 2019
தண்டோரா குழு
‘துருவங்கள் 16’ படத்தின் மூலம் தமிழ் சினிமாவில் இயக்குநராக அறிமுகமானவர் கார்த்திக் நரேன். முதல் படத்திலேயே இவருக்கு நல்ல பாராட்டுக்கள் கிடைத்தது. இதனையடுத்து அரவிந்தசாமி நடித்த ‘நரகாசுரன்’ படத்தை இயக்கினார். தற்போது ‘நாடக மேடை’ என்ற படத்தை இயக்கி வருகிறார்.
இந்நிலையில் அறிமுக இயக்குனர் கார்த்திக் ராஜூ இயக்கும் ‘கண்ணாடி’ படத்தில் இளமையான கதாபாத்திரம் ஒன்றில் நடிக்க கார்த்திக் நரேன் ஒப்பந்தமாகியுள்ளார். இந்த படத்தில் ‘குக்கூ’ பட நாயகி மாளவிகா நாயரும் ஒரு சிறப்பு கதாபாத்திரத்தில் நடிக்க ஒப்பந்தமாகியுள்ளார். தமிழ் மற்றும் தெலுங்கு மொழிகளில் உருவாகிவரும் இந்த படம் ஜூலை மாதம் திரையிட படக்குழுவினர் திட்டமிட்டுள்ளனர்.