May 28, 2019
தண்டோரா குழு
கார்த்திக் சுப்புராஜின் பேட்ட படத்தின் வெற்றியை தொடர்ந்து சூப்பர்ஸ்டார் ரஜினிகாந்த் ஏ.ஆர்.முருகதாஸ் இயக்கும் `தர்பார்’ படத்தில் நடித்து வருகிறார்.
இப்படத்தின் அடுத்தகட்ட படப்பிடிப்புக்காக மும்பை செல்லும் ரஜினிகாந்தை போயஸ் கார்டன் இல்லத்தில் இயக்குநர் சிவா சந்தித்துள்ளார். சுமார் 1 மணிநேரத்திற்கு மேலாக இந்த சந்திப்பு நடந்துள்ளது. சிறுத்தை சிவா ரஜினியின் கதை கூறியிருப்பதாகவும் கூறப்படுகிறது. ரஜினி – சிவா கூட்டணி விரைவில் இணைய வாய்ப்புள்ளதாக தகவல்கள் வெளியாகியுள்ளன.
தர்பார் படத்திற்கு பிறகு கே.எஸ்.ரவிக்குமார் இயக்கத்தில் ரஜினி நடிப்பார் என்றும் கூறுகிறார்கள். சிவா விஸ்வாசம் படத்தை அடுத்து சூர்யாவை வைத்து ஒரு படத்தை இயக்கவிருக்கிறார்.ரஜினி தொடர்ந்து வெற்றிப்படங்களை கொடுத்து வருகிறார். சிவா இயக்கத்தில் வெளியான விஸ்வாசம் திரைப்படம் மாபெரும் வெற்றி அடைந்தது. எனவே சிவாவின் கூட்டணியிலும் ரஜினி நடிக்க வாய்ப்பிருக்கிறது என்று கூறப்படுகிறது.