July 3, 2017 
தண்டோரா குழு
தேசிய விருது பெற்ற ஹரிகிருஷ்ணன் திரைக்கதையில் மோகன் லால் நடிப்பில் அறிமுக இயக்குநர் ஸ்ரீகுமார் மேனன் இயக்கவுள்ள படம் ஒடியன். இப்படத்தில் மோகன் லாலுக்கு ஜோடியாக மஞ்சு வாரியர் நடிக்கவுள்ளார்.
இப்படத்தில் பிரகாஷ் ராஜ் முக்கிய கதாபாத்திரத்தில் நடிக்கவுள்ளார். எம்.ஜெயச்சந்திரன் இசையமைப்பாளராகவும் ஒளிப்பதிவாளராக ஷாஜி குமார், ஸ்டன்ட் இயக்குநராக பீட்டர் ஹெயின், கலை இயக்குநராக சாபு சிரில் ஆகியோர் இப்படத்தில் பணியாற்றவுள்ளனர்.
‘ஆசிர்வாத் சினிமாஸ்’ நிறுவனத்தின் தயாரிப்பில் ஃபேன்டஸி த்ரில்லராக உருவாகவிருக்கும் இப்படத்தினை 3D தொழில்நுட்பத்தில் படமாக்க படக்குழுவினர் திட்டமிட்டுள்ளனர்.
இந்நிலையில், மோகன் லால் தனது ட்விட்டர் பக்கத்தில் இப்படத்தின் மோஷன் போஸ்டரை வெளியிட்டுள்ளார்.
இந்த மோஷன் போஸ்டர் ரசிகர்களிடையே நல்ல வரவேற்பை பெற்றுள்ளது. இதுமட்டுமின்றி, படத்தின் மீதான எதிர்பார்ப்பையும் அதிகரிக்கச் செய்துள்ளது. படத்தின் படப்பிடிப்பு வரும் ஆகஸ்ட் மாதம் தொடங்கவுள்ளது என்பது குறிப்பிடத்தக்கது.
For English News
