December 31, 2018
தண்டோரா குழு
சிறுத்தை சிவா தல அஜித் கூட்டணியில் நான்காவது முறையாக உருவாகியுள்ள படம் விஸ்வாசம். இப்படத்தில் அஜித்திற்கு ஜோடியாக நயன்தாரா நடித்துள்ளார்.
டி. இமான் இசையமைத்துள்ள இப்படத்தில் விவேக், ரோபோ ஷங்கர், தம்பி ராமையா உள்ளிட்ட பலர் நடித்துள்ளனர். சத்யஜோதி பிலிம்ஸ் நிறுவனம் தயாரித்து உள்ள இப்படம் பொங்கலன்று வெளியாகவுள்ளது. ஏற்கனவே படத்தின் பாடல்கள் நல்ல வரவேற்ப்பை பெற்றுள்ளது.
இந்நிலையில், விஸ்வாசம் படத்தின் டிரெய்லர் நேற்று வெளியிடப்பட்டது. இதை தல ரசிகர்கள் செம டிரெண்ட்டாக்கி வருகின்றனர். சுமார் 10 லட்சம் ‘லைக்ஸ்’ பெற்ற முதல் தென்னிந்திய திரைப்படம் என்ற புதிய சாதனையை விஸ்வாசம்’ பட டிரெய்லர் பெற்றுள்ளது. சமூக வலைதளங்களில் தொடர்ந்து முதலிடத்திலும் உள்ளது. ‘பேட்ட’ படத்தின் டிடிரெய்லரின் ஒரு நாள் சாதனையை 9 மணி நேரத்தில் ‘விஸ்வாசம்’ முறியடித்துள்ளது என்பது குறிப்பிடத்தக்கது.