October 18, 2019
தண்டோரா குழு
நடிகர் அஜித் நடிப்பில் எச்.வினோத் இயக்கத்தில் ‘நேர்கொண்ட பார்வை’ படம் ரசிகர்களிடையே நல்ல வரவேற்பை பெற்றது. இப்படத்தை மறைந்த நடிகை ஸ்ரீதேவியின் கணவர் போனி கபூர் தயாரித்து இருந்தார்.
இந்நிலையில் நேர்கொண்ட பார்வை படத்தை இயக்கிய எச்.வினோத் இயக்கத்தில் மீண்டும் இணைந்தார் நடிகர் அஜித். கதையை கேட்ட போனிகபூர் இந்த படத்தையும் தானே தயாரிப்பதாக அறிவித்தார். நேர்கொண்ட பார்வை படத்திற்கு இசை அமைத்த யுவன் சங்கர் ராஜா இந்த படத்திற்கு இசை அமைக்கிறார். இன்னும் இப்படத்தின் நாயகி குறித்து அதிகாரப்பூர்வ அறிவிப்பு வெளியாகாமல் இருக்கிறது.
இந்நிலையில்,இப்படத்தின் பூஜை தொடங்கும் என அறிவித்திருந்தது போலவே இன்று மாலை 6 மணியளவில் இப்படத்தின் பூஜை நடைபெற்றுள்ளது. அப்போது இப்படத்திற்கு ‘வலிமை’ என பெயரிட்டு படக்குழுவினர் பூஜையை முடித்துள்ளனர் இந்த அறிவிப்பு தற்போது வைரலாகி வருகிறது. மேலும் கூடுதல் தகவல் விரைவில் படக்குழு வெளியிடும் என எதிர்பார்க்கப்படுகிறது.