October 9, 2017 
தண்டோரா குழு
தெலுங்கு சினிமாவில் அண்மையில் வெளியாகி இளைஞர்களின் மனம் கவர்ந்த ஒரு படம் அர்ஜுன் ரெட்டி. இப்படம் ரசிகர்களிடையேவும், விமர்சன ரீதியாகவும் நல்ல வரவேற்பை பெற்றது.
இப்படத்தின் ரீமேக்கின் மூலம் நடிகர் விக்ரமின் மகன் துருவ் தமிழ் சினிமாவில் நாயகனாக அறிமுகமாக இருக்கிறார். இப்படத்தின் கதாநாயகியை தேர்வு செய்யும் வேளையில் படக்குழு இறங்கியுள்ளது.
இந்நிலையில், இப்படத்தை பிரபல இயக்குநர் பாலா இயக்கவுள்ளதாக தகவல் வெளியாகியுள்ளது. இதை விக்ரமே தனது அதிகாரப்பூர்வ இன்ஸ்டாகிராம் பக்கத்தில் தெரிவித்து உறுதிபடுத்தியுள்ளார். இப்படத்தை ‘E4 எண்டர்டெயின்மெண்ட்’ நிறுவனம் தயாரிக்கவுள்ளது.
பாலா இயக்குநராக அறிமுகமான ‘சேது’ படத்தில் ஹீரோவாக விக்ரம் நடித்திருந்தார். விக்ரமின் சினிமா கேரியரில் மிகப்பெரிய ப்ரேக் கொடுத்த படம் ‘சேது’ என்பது குறிப்பிடத்தக்கது. தற்போது விக்ரமின் மகனும் பாலா இயக்கத்தில் சினிமாவிற்கு நுழையவிருக்கிறார்.
For English News
