• Download mobile app
27 Sep 2020, SundayEdition - 1691
FLASH NEWS
  • தமிழகத்தில் உயிரிழந்தோர் எண்ணிக்கை 5000ஐ கடந்தது
  • தமிழகத்தில் கொரோனா பாதிப்பு 3 லட்சத்தை கடந்தது!
  • தமிழகத்தில் கொரோனா பாதிப்பு 2.51 லட்சத்தை கடந்தது!
  • சென்னையில் 1 லட்சத்தை கடந்த கொரோனா பாதிப்பு!
  • மலேசிய முன்னாள் பிரதமருக்கு 12 ஆண்டுகள் சிறை தண்டனை விதிப்பு..!
  • தனியார் பள்ளிகள் 40% கல்விக் கட்டணம் வசூலிக்கலாம் – சென்னை உயர்நீதிமன்றம்
  • 6 லட்சத்தைத் தாண்டியது குணமடைந்தோர் எண்ணிக்கை: மத்திய அரசு
  • மீண்டும் முழு ஊரடங்கு அமல்படுத்த வாய்ப்பில்லை – முதல்வர் பழனிச்சாமி
  • கொரோனா வைரஸை கட்டுப்படுத்துவதில் மற்ற நாடுகளை விட இந்தியா சிறந்து விளங்குகிறது: பிரதமர் மோடி
  • கொரோனா எண்ணிக்கையை வைத்து அச்சப்பட வேண்டாம் : சுகாதாரத்துறை செயலர் ராதாகிருஷ்ணன்
  • தமிழகத்தில் மொத்த கொரோனா பாதிப்பு 25 ஆயிரத்தை தாண்டியது
  • ஒரே தேசம், ஒரே சந்தை திட்டத்திற்கு மத்திய அமைச்சரவை அனுமதி
  • இந்தியாவில் கொரோனாவில் இருந்து குணமடைவோர் விகிதத்தில் தொடர்ந்து முன்னேற்றம் – சுகாதாரத்துறை
  • கடலூர் மத்திய சிறையில் 2 கைதிகளுக்கு கொரோனா !
  • இந்தியாவில் கொரோனா வைரஸால் பாதிக்கப்பட்டோர் எண்ணிக்கை 6,412ஆக உயர்வு
  • பிரிட்டன் பிரதமர் போரிஸ் ஜான்சன் உடல்நிலையில் முன்னேற்றம்!
  • ஏப்ரல் 14-க்குள் இரண்டரை லட்சம் பேருக்கு கொரோனா சோதனை செய்ய மத்திய அரசு இலக்கு
  • தமிழகத்தில் ஊரடங்கை மீறி வெளியே சுற்றிய 1,25,708 பேர் மீது வழக்குப்பதிவு!
  • தமிழகம் மற்றும் புதுச்சேரியில் அடுத்த 24 மணி நேரத்தில் மிதமான மழைக்கு வாய்ப்பு

அப்படியே இந்தப் படத்துக்கும் ஒரு வழிய சொல்லுங்க… கவுதம் மேனனிடம் கார்த்திக் நரேன் கேள்வி!

November 4, 2019 தண்டோரா குழு

தனுஷ் நடிப்பில் இயக்குநர் கவுதம் மேனன் இயக்கத்தில் உருவாகியுள்ள படம் எனை நோக்கி பாயும் தோட்டா. படப்பிடிப்பு நிறைவடைந்து பல மாதங்கள் ஆயும் பல்வேறு பிரச்னைகளால் பலமுறை ரிலீஸ் தேதி அறிவிக்கப்பட்டு திரைக்கு வராமல் இருந்து வந்தது. இதற்கிடையில் இந்தப் படம் நவம்பர் 29-ம் தேதி திரைக்கு வருவதாக அறிவிக்கப்பட்டுள்ளது. இந்தப் படத்தை வேல்ஸ் ஃபிலிம் இண்டர்நேஷனல் நிறுவனம் வெளியிட முடிவு செய்துள்ளது. எனை நோக்கி பாயும் தோட்டா, துருவ நட்சத்திரம் ஆகிய படங்களைத் தொடர்ந்து இயக்குநர் கவுதம் மேனன் ஜோஸ்வா இமைபோல் காக்க என்ற படத்தையும் இயக்கி வருகிறார்.

வேல்ஸ் ஃபிலிம்ஸ் இண்டர்நேஷனல் நிறுவனம் தயாரிக்கும் இந்தப் படத்தின் ஃபர்ஸ்ட் லுக் போஸ்டரை சமீபத்தில் வெளியிட்ட படக்குழு 2020-ம் ஆண்டு காதலர் தினத்துக்கு படம் திரைக்கு வரும் என்றும் அறிவித்துள்ளனர். இதுமட்டுமின்றி துருவ நட்சத்திரம் படம் குறித்துப் பேசிய இயக்குநர் கவுதம் மேனன், அடுத்த 60 நாட்களில் படத்தின் பணிகள் முடிவடைந்து படம் விரைவில் வெளியாகும் என்று கூறியுள்ளார். ஒரே நாளில் இந்த அறிவிப்புகள் எல்லாம் வெளியான நிலையில், கவுதம் மேனனின் அனைத்து பிரச்னைகளுக்கும் தீர்வு கிடைத்துவிட்டதாக ரசிகர்கள் நினைத்தனர்.

இதற்கிடையே துருவங்கள் 16 படத்தின் முலம் புகழ்பெற்ற இயக்குநர் கார்த்திக் நரேன், நரகாசூரன் என்ற படத்தை இயக்கினார். இந்தப் படத்தில் அரவிந்த் சாமி, ஸ்ரேயா சரண், ஆத்மிகா உள்ளிட்டோர் நடித்துள்ளனர். கவுதம் மேனன் மற்றும் பத்ரி கஸ்தூரி ஆகிய இருவரும் இணைந்து நரகாசூரன் படத்தைத் தயாரிக்கவுள்ளதாக ஆரம்பத்தில் அறிவிக்கப்பட்டது. ஆனால் பட வெளியீட்டில் சிக்கல் ஏற்பட்டதால் சமூகவலைதளங்களில் கார்த்திக் நரேனும், கவுதம் மேனன் ஒருவரையொருவர் தாக்கி கருத்து பதிவிட்டனர்.

பின்னர் எனக்கும் கார்த்திக் நரேனுக்கும் எனக்கும் இடையிலான கருத்து வேறுபாடுகள் களையப்பட்டு விட்டன. படம் விரைவில் வெளிவருவதற்கான பணிகளில் ஈடுபட்டு வருகிறோம் என்று கவுதம் மேனன். கடந்த வருடம் கூறினார்.இந்நிலையில் தனது அடுத்தடுத்த படங்களின் அப்டேட்டுகளை வெளியிட்ட இயக்குநர் கவுதம் மேனனிடம் கார்த்திக் நரேன் கேள்வி எழுப்பியுள்ளார். அதில், நரகாசூரன் படம் எப்போது வெளிவரும் என்று சொன்னால் உதவியாக இருக்கும். இந்தப் படம் என் மனதுக்கு நெருக்கமானது என்று கூறியுள்ளார்.

மேலும் படிக்க