February 23, 2019
தண்டோரா குழு
தானா சேர்ந்த கூட்டம் படத்திற்கு பிறகு இயக்குனர் செல்வராகவனின் இயக்கத்தில் என்.ஜி.கே.என்ற படத்தில் நடித்த சூர்யா அடுத்ததாக கேவி.ஆனந்த் இயக்கத்தில் நடித்து வருகிறார்.
லைகா நிறுவனம் தயாரிப்பில் இயக்குனர் கேவி ஆனந்த் இயக்கும் இப்படத்திற்கு காப்பான் என பெயரிடப்பட்டுள்ளது. இப்படத்தில் சூர்யாவுடன் மலையாள சூப்பர் ஸ்டார் மோகன்லால், ஆர்யா உள்ளிட்ட பல நடிகர்கள் நடித்து வருகின்றனர். இப்படத்தின் சண்டைக் காட்சி சென்னையில் நடைபெற்று வருகிறது.
படப்பிடிப்பின் போது மோகன்லால், சூர்யா சம்பத்தப்பட்ட காட்சிகள் சிறப்பாக வந்ததால், யூனிட் ஆட்களுக்கு அஜித் பாணியில் சூர்யா தன் கையால் பிரியாணி பரிமாறினாராம். இப்படம் ஆகஸ்ட் 15 அன்று வெளியிட படக்குழு முடிவெடுத்துள்ளதாக கூறப்படுகிறது.