November 19, 2021 
தண்டோரா குழு
கோவையில் பேக்கரி ஒன்றில் வாங்கி திண்பண்டத்தில் புழு ஊறும் வீடியோ வெளியாகி அதிர்ச்சியை ஏற்படுத்தியுள்ளது.
கோவை மாவட்டம் கருமத்தம்பட்டி பகுதியில் திவ்யா பேக்கரி செயல்பட்டு வருகிறது. இங்கு சென்ற வாடிக்கையாளர்கள் குழந்தைகளுக்கு கொடுக்க Munch Nuts என்ற பாக்கெட்டில் அடைக்கப்பட்ட சாக்லேட் ஒன்றை வாங்கினர். 10 ரூபாய் மதிப்புள்ள அந்த சாக்லேட்டை பிரித்து பார்த்த போது அந்த சாக்லேட் முழுவதும் புழு ஊறியுள்ளது. இதை பார்த்ததும் வாடிக்கையாளர்களுக்கு தூக்கிவாரிப்போட்டது.
தொடர்ந்து இது குறித்து பேக்கரி நிர்வகத்திடம் கேள்வி எழுப்பியபோது “தெரியாமல் நடந்துவிட்டது” என்று மழுப்பலான பதிலை கொடுத்துள்ளனர்.இதனால் ஆத்திரமடைந்த வாடிக்கையாளர்கள் அந்த சாக்லேட்டை வீடியோ பதிவு செய்து பேஸ்புக்கில் பதிவிட்டுள்ளனர். தற்போது இந்த வீடியோ வைரலாகி வரும் சூழலில், பெரு முதலாளிகள் அலட்சியமாக செயல்பட்டு வருவதை உணவு பாதுகாப்புத்துறை கண்டித்து களையெடுக்குமா என்று கேள்வி எழுப்பி வருகின்றனர்.
For English News
