August 6, 2021 
தண்டோரா குழு
தென்னிந்திய அளவில் கட்டமைப்பு வசதிகளில் முதலிடம் பெற்று கோவை ரெயில் நிலையம் ‘பிளாட்டினம்’ விருது பெற்றுள்ளது.
சேலம் கோட்டத்தில் அதிக வருவாய் ஈட்டும் ரெயில் நிலையமாக கோவை ரெயில் நிலையம் விளங்கி வருகிறது.’ஏ1’ அந்தஸ்து பெற்ற இந்த ரெயில் நிலையம் ஐ.எஸ்.ஓ., தர மேலாண்மை சான்றிதழ்,சுற்றுச்சூழல்,மற்றும் பாதுகாப்பு சான்றிதழ் ஆகிய மூன்றையும் ஏற்கனவே பெற்றுள்ளது.
‘கிரீன் ரேசியோ’ எனப்படும் பசுமை தரம் முனைப்பில் கடந்த, 2018-ம் ஆண்டு முதல்,கோவை இரயில்நிலைய வளாகத்தில் சூரியசக்தி மின்சாரம், மழை நீர் சேகரிப்பு, ‘மியாவாக்கி’ முறையில் மரம் நடுதல், 100 சதவீ தம் எல்.இ.டி.,விளக்குகள்,கழிவுநீர் சுத்திகரிப்பு நிலையம், குட்டி பூங்காக்கள் அமைக்கப்பட்டுள்ளன.
மேலும், தெற்கு ரெயில்வேயில் முதல் முறையாக, பார்வையற்றோருக்கு ‘பிரெய்லி போர்டு’ நிறுவப்பட்டது. நோயாளிகள், முதியோர் சென்று வர சாய்வு தளம், லிப்ட், தானியங்கி படிக்கட்டுகள்,தாய்மார்கள் தாய்ப்பால் ஊட்டுவதற்கென தனி அறை என ஏராளமான சிறப்பு வசதிகள் கோவை இரயில் நிலையத்தில் ஏற்படுத்தப்பட்டுள்ளன.
இந்நிலையில்,இந்தியன் கிரீன் பில்டிங் கவுன்சில் ஆய்வுகளின் அடிப்படையில் பசுமை தரத்துக்கு உரியதாக கருதப்படும் ‘பிளாட்டினம்’ சான்றிதழை கோவை ரெயில் நிலையம் பெற்றுள்ளது. கட்டமைப்பு, ஆரோக்கியம், ஆற்றல், தண்ணீர் மேலாண்மை என 6 பிரிவுகளில் 100-க்கு, 83 புள்ளிகள் பெற்று தேசிய அளவில், ‘பிளாட்டினம்’ சான்றிதழ் பெற்ற 6-வது ரெயில் நிலையமாகவும், தெற்கு ரெயில்வேயில் முதல் ரெயில் நிலையம் என்ற பெருமையையும் கோவை ரெயில் நிலையம் பெற்றுள்ளது குறிப்பிடத்தக்கது.
வேளாண்சார் தொழில்களுக்கு மகத்தான எதிர்காலம்! – 5,000 பேர் பங்கேற்ற ஈஷா அக்ரி ஸ்டார்ட்-அப் திருவிழா 2.O-இல் முன்னோடி தொழில் முனைவோர்கள் பேச்சு
பெர்க்ஸ் பப்ளிக் பள்ளி சிபிஎஸ்இன் 4-ம் ஆண்டு விளையாட்டு தினம்
கோவை வசந்தவாசல் கவி மன்றத்தின் 30 ஆம் ஆண்டு தொடக்க விழா
ஒப்பணக்கார வீதி தி சென்னை சில்க்ஸில் ஆவணி மாத சுபமுகூர்த்த தினங்களை முன்னிட்டு, திருமண பட்டு பெருவிழாவின் துவக்க விழா
கோவை கரி மோட்டார் ஸ்பீடுவே மைதானத்தில் நடைபெற்ற இந்தியன் ரேசிங் லீக் கார் பந்தய போட்டி !
கோவை பன் மாலில் ” Feel Like a Soldier ” எனும் தலைப்பில் மாணவர்களுக்கான ராணுவ அனுபவ நிகழ்வு
For English News
