June 18, 2021 
தண்டோரா குழு
சர்வதேச யோகா தினம் விரைவில் வர உள்ள நிலையில் ,வீட்டிலிருந்தபடியே சர்வதேச யோகா போட்டிகளில் கலந்து கொள்ள பயிற்சிகள் செய்து தன்னை தயாராக்கி வரும் கோவையை சேர்ந்த பள்ளி மாணவர் அனைவரின் கவனத்தையும் ஈர்த்துள்ளார்.
கோவை காந்திமாநகர் பகுதியை சேர்ந்த தம்பதியர் சௌந்தர்ராஜன், கவிதா, இவர்களது மகன் நிரஞ்சன். தற்போது பிளஸ் டூ பயின்று வரும் இவர்,தனது ஆறாம் வயது முதலே யோகா பயிற்சி மேற்கொண்டு கடந்த பனிரெண்டு ஆண்டுகளாக யோகாவில் பல்வேறு நிலைகளில் திறம்பட பயிற்சி பெற்றதோடு, தேசிய,சர்வதேச அளவுகளில் அத்லெட்டிக் யோகாவில் வெற்றி பெற்று தங்க பதக்கம் உட்பட பல்வேறு பரிசுகள் வென்று அனைவரையும் திரும்பி பார்க்க வைத்தவர்.
இந்நிலையில் வரும் 21 ஆம் தேதி சர்வதேச யோகா தினத்தை முன்னிட்டு,யோகா குறித்த விழிப்புணர்வை ஏற்படுத்தும் விதமாகவும்,மேலும் கொரோனா கால ஊரடங்கால் அனைத்து சேவைகளும் முடங்கி உள்ள நிலையில் சர்வதேச யோகா போட்டிகளில் கலந்து கொள்ள தன்னை தயார் படுத்தும் விதமாக காந்திமா நகரில் உள்ள தனது வீட்டிலேயே பல்வேறு விதமான யோகாசனங்களை செய்தார்.
கேரம்,ஸ்கேட்டிங் என பல்வேறு விளையாட்டுகளில் சாதித்து வரும் நிரஞ்சன் யோகாவில் டாக்டர் பட்டம் பெற்று,உலகம் முழுவதும் யோகா கலையின் பெருமைகள் குறித்து முறையாக கற்று கொடுப்பதே தமது இலட்சியம் என தெரிவித்துள்ளார். வீட்டிலேயே தன்னை தயார் படுத்தி வரும் நிரஞ்சனுக்கு அவரது பெற்றோர் மற்றும் இளைய சகோதரர் நிர்மல் ஆகியோர் ஊக்கமளித்து வருகின்றனர்.பள்ளிகள்,கல்லூரிகள் இல்லாத நேரத்திலும் தமது நேரத்தை வீணாக்கமால் வீட்டிலேயே இவர் யோகா பயிற்சி செய்து வருவது அனைவரின் கவனத்தையும் ஈர்த்துள்ளது.
தென்னிந்திய சைவ,அசைவ உணவு வகைகளை வீட்டு சுவை மாறாமல் வழங்கும் அம்மணி மெஸ் கோவையில் துவக்கம்
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
கோவையில் சூயஸ்குடிநீர் வினியோகம் குறித்து அரசு கலை கல்லூரி மாணவர்களுக்கு பயிற்சி பட்டறை
கோவை நகரில் ஜனவரி முதல் ஜூலை வரை இணைய மோசடியில் ரூ.49 கோடி இழப்பு : ரூ.14 கோடியை மீட்ட சைபர் கிரைம் போலீசார்
கோவையில் நியூரோடைவர்ஸ் பாதிப்படைந்தவர்களை மேம்படுத்துவது தொடர்பான சமூக கருத்தரங்கம்
For English News
