May 4, 2021 
தண்டோரா குழு
அரசு மருத்துவமனைகளில் ஆக்சிஐன் பற்றாக்குறை இல்லை என்றாலும் தனியார் மருத்துவமனைகளில் ஆக்சிஐன் தட்டுப்பாடு ஏற்பட்டிருப்பதாக தகவல்கள் வருகிறது. முன்னெச்சரிக்கை நடவடிக்கையாக கோவை மாவட்டத்தில் ஆக்சிஐன் இருப்பை அதிகப்படுத்திட போர்க்கால நடவடிக்கையை மாவட்ட ஆட்சியர் மேற்கொள்ள வேண்டும் என கோவை நாடாளுமன்ற உறுப்பினர் பி.ஆர்.நடராஜன் நேரில் வலியுறுத்தினார்.
கொரோனா பெருந்தொற்று நாளுக்கு நாள் அதிகரித்து வருகிறது. கோவை மாவட்டத்தில் நாள் ஒன்றுக்கு ஆயிரத்தி ஐநூறு எண்கிற எண்ணிக்கையை கடக்கிறது. இதனால் அரசு மருத்துவ மனை, ஈஎஸ்ஐ மருத்துவமனை, கொடிசியா உள்ளிட்ட இடங்கள் நிரம்பி வருகின்றன.நோய் அறிகுறி இல்லாதவர்கள் வீட்டிலேயே தனிமைப்படுத்த அறிவுறுத்தப்படுகின்றனர்.
இந்நிலையில் தனியார் மருத்துவமனைகளில் ஆக்சிஐன் தட்டுப்பாடு ஏற்பட்டுள்ளதாக பல்வேறு தரப்பினர் கோவை நாடாளுமன்ற உறுப்பினர் கவனத்திற்கு கொண்டு வந்தனர்.இதனையடுத்து கோவை மாவட்ட ஆட்சித்தலைவரை செவ்வாயன்று கோவை நாடாளுமன்ற உறுப்பினர் பி.ஆர்.நடராஜன் நேரில் சந்தித்து இதுகுறித்து கேட்டறிந்தார்.
இதனைத்தொடர்ந்து செய்தியாளர்களிடம் அவர் கூறுகையில்,
ஆக்சிஜன் பற்றாக்குறை பல இடங்களில் இருப்பதாக தகவல் வருகின்றது. அரசு மருத்துவமனையில் போதிய கையிருப்பு இருப்பதாகவும், ஈஎஸ்ஐ மருத்துவமனை மற்றும் தனியார் மருத்துவமனைகளில் ஆக்சிஐன் பற்றாக்குறை இருப்பதாக தகவல்கள் வருகிறது. மேலும், கொரோனா தொற்று பாதிக்கப்பட்டவர்கள் எண்ணிக்கை அதிகரித்து வரும் நிலையில், மருத்துவர் கண்காணிப்பில் உள்ளவர்களின் எண்ணிக்கைக்கு ஏற்ப கூடுதல் படுக்கைகள், ஆக்சிஐன் வசதி கொண்ட படுக்கைகளின் எண்ணிக்கையை அதிகப்படுத்த வேண்டும்.
தேர்தல் நடைமுறை முடிவுக்கு வந்துள்ள நிலையில் மாவட்ட ஆட்சியர் போர்க்கால அடிப்படையில் இந்த பணிகளை மேற்கொள்ள வேண்டும் என வலியுறுத்தி உள்ளேன். இதுகுறித்து சுகாதாரத்துறை செயலாளர் ராதாகிருஷ்ணன் கவனத்திற்கும் கொண்டு சென்றுள்ளேன். கோவையில் மருத்துவ தேவைகளை பூர்த்தி செய்திட உடனடியாக தலையிட வேண்டும் என அவரிடம் வலியுறுத்தி உள்ளேன். இதேபோன்று தடாகம் செங்கல்சூளை விவகாரத்தில் நீதி மன்றம் கடந்த 30 ம் தேதி சில வழிகாட்டுதல்களை கொடுத்து இருக்கின்றது. நீதிமன்ற உத்திரவு நகல்களை ஆட்சியரிடம் கொடுத்து இருக்கின்றோம். ஆயிரக்கணக்கான தொழிலாளர்களின் வாழ்வாதர பிரச்சனை என்பதால் நீதிமன்றம் வழிகாட்டுதல்களை நடைமுறைபடுத்திட மாவட்ட ஆட்சியரிடம் வலியுறுத்தினோம் என்றார்.
முன்னதாக இந்த சந்திப்பின்போது, திமுக கோவை வடக்கு மாவட்ட பொருப்பாளர் சி.ஆர்.ராமச்சந்திரன், சிபிஎம் கோவை மாவட்டக்குழு உறுப்பினர் ஆர்.கேசவமணி, சிஐடியு மாவட்ட நிர்வாகி என்.செல்வராஜ் மற்றும் பிஎன்பி ஒன்றியக்குழு உறுப்பினர் பழனிச்சாமி உள்ளிட்டோர் உடனிருந்தனர்.
சின்னகுட்டை தேக்கத்தை புரணமைக்க கோவை குளங்கள் பாதுகாப்பு அமைப்பு அமைப்புடன் கூட்டு சேர்ந்த ப்ரூக்ஃபீல்டு !
ஸ்ரீ ராமகிருஷ்ணா பல் மருத்துவக் கல்லூரி மற்றும் மருத்துவமனை சார்பில் பற்கள் குறித்த சிறப்பு கண்காட்சி
கோவை அருகே கஞ்சா சாக்லேட் பறிமுதல் : விற்பனைக்கு வைத்து இருந்த நபர் கைது
பிளஸ் 1 பொதுத்தேர்வு தேர்ச்சி முடிவுகள் வெளியீடு – கோவை மாவட்டம் முதலிடம்.
கிருஷ்ணா டிராபி 2024 – மாநில அளவிலான பொறியியல் கல்லூரிகள் ஆசிரியர்களுக்கு இடையேயான கிரிக்கெட் போட்டி
கோவையில் பொதுமக்களை ஈர்த்த பஞ்சாபி உணவு திருவிழா – ஆடல், பாடல், ஃபேசன் சோ நிகழ்சிகளால் கவரப்பட்ட பொதுமக்கள்
For English News
