March 31, 2021 
தண்டோரா குழு
கோவை மாவட்டத்தில் சட்டமன்ற தேர்தலை முன்னிட்டு மின்னனு வாக்குப்பதிவு இயந்திரங்கள் மற்றும் வாக்குப்பதிவினை சரிபார்க்கும் இயந்திரங்கள் அனைத்தும் அங்கீகரிக்கப்பட்ட அரசியல் கட்சி பிரதிநிகள் முன்னிலையில் இந்திய தேர்தல் ஆணையத்தின் இணையதளத்தின் மூலம் சுழற்சி முறையில் ஒவ்வொரு சட்டமன்ற தொகுதிகளுக்கும் ஒதுக்கீடு செய்யப்பட்டன.
அதன் படி கோவை மாவட்டத்தில் உள்ள 4427 வாக்குப்பதிவு மையங்களுக்கு 5316 மின்னனு வாக்குப்பதிவு இயந்திரங்களும், 5894 வாக்குப்பதிவு சரிபார்ப்பு இயந்திரங்களும், அந்தந்த தேர்தல் நடத்தும் அலுவலர்கள் வசம் ஒப்படைக்கப்பட்டு காப்பு அறையில் உரிய கண்காணிப்பு கேமரா மற்றும் காவல்துறை பாதுகாப்புடன் வைக்கப்பட்டுள்ளது.
இந்நிலையில் கோவை வடக்கு,கோவை தெற்கு மற்றும் சிங்காநல்லூர் ஆகிய தொகுதிகளில் வேட்பாளர்களின் எண்ணிக்கை 16-க்கும் மேற்பட்டு இருப்பதன் காரணமாக இம்மூன்று தொகுதிகளுக்கும் கூடுதல் ஒதுக்கீடாக 1569 வாக்குப்பதிவு இயந்திரங்கள் ஒதுக்கீடு செய்யப்பட்டு அந்தந்த தேர்தல் நடத்தும் அலுவலர்கள் வசம் ஒப்படைக்கப்பட்டுள்ளன.
இதனிடையே கோவை மாவட்டத்தில் உள்ள 10 சட்டமன்ற தொகுதிகளில் மின்னனு வாக்குப்பதிவு இயந்திரங்களில் வாக்குச்சீட்டு பொருத்தும் பணி நடைபெற்று வருகிறது.இப்பணிகளில் மேட்டுப்பாளையத்தில் நஞ்சை லிங்கம்மாள் தொழில்நுட்ப கல்லூரியிலும்,சூலூரில் சமூக நல பாதுகாப்பு மைய கட்டிடத்திலும் மின்னனு வாக்குப்பதிவு இயந்திரங்களில் வாக்குச்சீட்டு பொருத்தும் பணியை மாவட்ட ஆட்சியர் நாகராஜன் நேரில் பார்வையிட்டு ஆய்வு மேற்கொண்டார்.
டாக்டர் என்.ஜி.பி. கல்வி நிறுவனங்களோடு இணையும் மற்றுமொரு புதிய பள்ளி வேன்கார்டு அகாடமி திறப்பு !
மரம் நடும் விழா மூலம் மரம் தங்கசாமிக்கு அஞ்சலி செலுத்திய காவேரி கூக்குரல்!
கோவை ஜி.கே.என்.எம். மருத்துவமனை சார்பாக செப்.28 ம் தேதி ‘ரன் ஃபார் லிட்டில் ஹார்ட்ஸ்’ மாராத்தான்
தென்னிந்திய சைவ,அசைவ உணவு வகைகளை வீட்டு சுவை மாறாமல் வழங்கும் அம்மணி மெஸ் கோவையில் துவக்கம்
ஆதியோகி முன்னாடி ஈஷா கிராமோத்சவம் பைனல்ஸ் விளையாட ஆசை – கூக்கால் கிராமத்து இளைஞரின் கனவு!
கோவையில் ப்ரீட்லிங் புதிய கிளை திறப்பு
For English News
